କାଲକାଜୀ ମନ୍ଦିର ସେବାଦାରଙ୍କୁ ପିଟି ପିଟି ହତ୍ୟା
ଦିଲ୍ଲୀର ପ୍ରସିଦ୍ଧ କାଲକାଜୀ ମନ୍ଦିରରେ ଝଗଡ଼ା ପରେ ଜଣେ ସେବାଦାରଙ୍କୁ ପିଟି ପିଟି ହତ୍ୟା କରାଯାଇଥିବା ଘଟଣା ସାମ୍ନାକୁ ଆସିଛି। ଘଟଣାଟି ୨୯ ତାରିଖ ରାତି ୯:୩୦ ସମୟର। ପ୍ରସାଦ ମାଗିବାକୁ ନେଇ ସେବାୟତ ଏବଂ ମନ୍ଦିରକୁ ଆସିଥିବା ଭକ୍ତଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା।
ପୀଡିତଙ୍କୁ ବାଡ଼ିରେ ପିଟିବା ସହ ବିଧା ଗୋଇଠା ମରାଯାଇଥିଲା, ଯାହାଦ୍ବାରା ସେ ଗୁରୁତର ଆହତ ହୋଇଥିଲେ। ଝଗଡ଼ା ପରେ, ସେବାଦାରଙ୍କୁ ଚିକିତ୍ସା ପାଇଁ ଏମ୍ସ ଟ୍ରମା ସେଣ୍ଟରକୁ ନିଆଯାଇଥିଲା, ଯେଉଁଠାରେ ତାଙ୍କର ମୃତ୍ୟୁ ହୋଇଥିଲା। ମୃତକ ଜଣକ ହେଲେ ଯୋଗେନ୍ଦ୍ର ସିଂହ (୩୫)। ସେ ୟୁପିର ହରଦୋଇର ବାସିନ୍ଦା ଥିଲେ ଏବଂ ଗତ ୧୫ ବର୍ଷ ଧରି ମନ୍ଦିରରେ ସେବାଦାର ଥିଲେ। ସ୍ଥାନୀୟ ଲୋକମାନେ ଅଭିଯୁକ୍ତ ଅତୁଲ ପାଣ୍ଡେ (୩୦)ଙ୍କୁ ଧରି ପୁଲିସକୁ ହସ୍ତାନ୍ତର କରିଛନ୍ତି।
ପୁଲିସ ଡେପୁଟି କମିଶନର (ଦକ୍ଷିଣ-ପୂର୍ବ) ହେମନ୍ତ ତିୱାରୀ କହିଛନ୍ତି ଯେ, କିଛି ଶ୍ରଦ୍ଧାଳୁ ଅତୁଲଙ୍କ ସହ ମିଶି ଯୋଗେନ୍ଦ୍ରଙ୍କୁ ମାଡ଼ ମାରିବା ପରେ ଝଗଡ଼ା ହିଂସାତ୍ମକ ରୂପ ନେଇଥିଲା। ତାଙ୍କୁ ତୁରନ୍ତ ଏମ୍ସ ଟ୍ରମା ସେଣ୍ଟରକୁ ନିଆଯାଇଥିଲା ଯେଉଁଠାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା।
Powered by Froala Editor
