ପୂର୍ବରୁ ସରକାର 'ଆମେ ଦୁଇ, ଆମର ଦୁଇ' ଅଭିଯାନ ଆରମ୍ଭ କରିଥିଲେ। ହେଲେ ଏହାର କୌଣସି ସୁଫଳ ମିଳୁନାହିଁ। ରାଜସ୍ଥାନର ଉଦୟପୁରରେ ଘଟିଥିବା ଘଟଣା ଏବେ ଲୋକଙ୍କୁ ଏଭଳି କହିବାକୁ ବାଧ୍ୟ କରିଛି।

ରାଜସ୍ଥାନର ଉଦୟପୁରର ଝାଡୋଲ ଅଞ୍ଚଳରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ୫୫ ବର୍ଷୀୟା ରେଖା ଗାଲବେଲିଆ ତାଙ୍କ ୧୭ତମ ସନ୍ତାନକୁ ଜନ୍ମ ଦେଇଛନ୍ତି। ରେଖା ଏପର୍ଯ୍ୟନ୍ତ ୧୬ ଜଣ ସନ୍ତାନଙ୍କୁ ଜନ୍ମ ଦେଇଛନ୍ତି, କିନ୍ତୁ ସେମାନଙ୍କ ମଧ୍ୟରୁ ୪ ଜଣ ପୁଅ ଏବଂ ଗୋଟିଏ ଝିଅ ଜନ୍ମ ହେବା ପରେ ମୃତ୍ୟୁବରଣ କରିଛନ୍ତି। ବର୍ତ୍ତମାନ ପରିବାରରେ ଅନେକ ସନ୍ତାନ ଜୀବିତ ଅଛନ୍ତି, ଯେଉଁମାନଙ୍କ ମଧ୍ୟରୁ ୫ ଜଣ ବିବାହିତ ଏବଂ ସେମାନଙ୍କର ସନ୍ତାନ ଅଛନ୍ତି।

ସୂଚନା ମୁତାବକ, ରେଖା ନାତିନାତୁଣୀ ଦେଖିବା ପରେ ପୁଣି ଥରେ ମା’ ହେବା ଖବର ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ସ୍ୱାମୀ କୱରା କାଲବେଲିଆ କହିଛନ୍ତି ଯେ, ଆମେ ରହିବା ପାଇଁ ନିଜସ୍ୱ ଘର ନାହିଁ ଏବଂ ଆମେ ବହୁ କଷ୍ଟରେ ଜୀବିକା ନିର୍ବାହ କରୁଛୁ। ପିଲାମାନଙ୍କ ପେଟ ପୋଷିବା ପାଇଁ ମୋତେ ମହାଜନଙ୍କଠାରୁ ୨୦% ସୁଧରେ ଟଙ୍କା ନେବାକୁ ପଡ଼ିଥିଲା। ଏପର୍ଯ୍ୟନ୍ତ ଲକ୍ଷ ଲକ୍ଷ ଟଙ୍କା ଦେଇସାରିଥିଲେ ସୁଧ ସମ୍ପୂର୍ଣ୍ଣ ଭାବରେ ଦିଆଯାଇ ନାହିଁ।

ଝାରଡୋଲ କମ୍ୟୁନିଟି ହେଲ୍ଥ ସେଣ୍ଟରର ସ୍ତ୍ରୀରୋଗ ବିଶେଷଜ୍ଞ ଡାକ୍ତର ରୋଶନ ଦାରଙ୍ଗୀ କହିଛନ୍ତି, ରେଖାଙ୍କୁ ଯେତେବେଳେ ହସ୍ପିଟାଲରେ ଭର୍ତ୍ତି କରାଯାଇଥିଲା, ପରିବାର କହିଥିଲେ, ଏହା ସେମାନଙ୍କର ଚତୁର୍ଥ ସନ୍ତାନ। ପରେ ଜଣାପଡିଲା ଯେ ଏହା ୧୭ତମ ସନ୍ତାନ।

Powered by Froala Editor