ଖୁସ୍ବୁ ପାଇଁ ମୋବାଇଲ୍ ଟାୱାରରେ ଚଢ଼ିଗଲେ ଯୁବକ, କିନ୍ତୁ...
ଜଣେ ଯୁବତୀଙ୍କୁ ବାହା ହେବା ଜିଦ୍ରେ ମୋବାଇଲ ଟାୱାରରେ ଚଢ଼ିଗଲେ ଯୁବକ । କିନ୍ତୁ ଶେଷରେ ଜଣାପଡିଲା ଯେ, ଯେଉଁ ଯୁବତୀ ପାଇଁ ସେ ଏଭଳି ପଦକ୍ଷେପ ନେଲେ ସେ ହେଉଛି ଫେକ୍ ଆଇଡି । ଏ ଘଟଣା ହେଉଛି ଉତ୍ତରପ୍ରଦେଶ ଭଦୋଇର ।
ପୱନ ପାଣ୍ଡେ ନାମକ ଯୁବକ ଅନଲାଇନରେ ଖୁସବୁ ନାମକ ଜଣେ ଝିଅ ପାଇଁ ଏକ ଫୋନ ଟାୱାରରେ ଚଢ଼ିଲେ । ଫୋନ୍ ଟାୱାରରେ ଚଢ଼ି ଆତ୍ମହତ୍ୟା ପାଇଁ ଧମକ ଦେଲେ । ଗ୍ରାମବାସୀ ପୋଲିସକୁ ଏହାର ସୂଚନା ଦେଲାପରେ ପୋଲିସ ଓ ଅଗ୍ନଶମ ବିଭାଗ ଟାୱାର ତଳେ ଜମା ହେଲେ । ଏହାପରେ ପୋଲିସ ଆଗରେ ପୱନ ନିଜ ଦାବି ରଖିଥିଲେ ।
ପୱନଙ୍କ କହିବା ମୁତାବକ ପୋଲିସ ପାଖ ଗାଁରେ ଖୁସବୁ ନାମକ ଝିଅକୁ ଖୋଜିଲା ହେଲେ ପାଇଲା ନାହିଁ । ଇନଷ୍ଟାରେ ଫେକ୍ ଆକାଉଣ୍ଟ ଖୋଲି କେହି ଜଣେ ପୱନଙ୍କୁ ମିଛ ପ୍ରେମ ଜାଲରେ ଫଶାଇଥିବା ପୋଲିସ ଜାଣିବାକୁ ପାଇଲା ।
ଏହାପରେ ଜଣେ ମହିଳା କର୍ମଚାରୀଙ୍କ ସାହାଯ୍ୟରେ ପୱନଙ୍କୁ ଫୋନ କରାଇ ଖୁସବୁ ଭାବେ ତାଙ୍କ କଥା କରାଇଲେ । ଖୁସବୁଙ୍କ କଥା ହୋଇ ପୱନ ଟାୱାରରୁ ତଳୁକ ଓହ୍ଲାଇଥିଲେ । ପୱନ ତଳକୁ ଆସିବାପରେ ପୋଲିସ ତାଙ୍କୁ ସବୁ କଥା କହିଥିଲା । ପୋଲିସ କହିଲା ତୁମେ ଯେଉଁ ଖୁସବୁ କଥା କହୁଥିଲ ସେ ଜଣେ ଠକ । ଘଟଣାର ସତ୍ୟାସତ୍ୟ ଜଣାପଡ଼ିବା ପରେ ପୋଲିସ ଘଟଣାର ତଦନ୍ତ କରୁଛି ।
Powered by Froala Editor
