କଂଗ୍ରେସ ବିଧାୟକ କେ.ସି.ବୀରେନ୍ଦ୍ର ଗିରଫ
ବେଙ୍ଗାଲୁରୁ: ବେଟିଂ ରାକେଟରେ ସଂପୃକ୍ତ ଥିବା ଅଭିଯୋଗରେ ପ୍ରବର୍ତ୍ତନ ନିର୍ଦେଶାଳୟ (ଇଡି) ପକ୍ଷରୁ ଶନିବାର କର୍ଣ୍ଣାଟକର କଂଗ୍ରେସ ବିଧାୟକ କେ.ସି.ବୀରେନ୍ଦ୍ରଙ୍କୁ ସିକ୍କିମରୁ ଗିରଫ କରାଯାଇଛି। ବୀରେନ୍ଦ୍ରଙ୍କୁ ଗିରଫ କରିବା ପାଇଁ ଇଡି ପକ୍ଷରୁ ବିଗତ ଦୁଇଦିନ ମଧ୍ୟରେ ସିକ୍କିମ, କର୍ଣ୍ଣାଟକ, ରାଜସ୍ଥାନ, ମହାରାଷ୍ଟ୍ର ଓ ଗୋଆର ବିଭିନ୍ନ ସ୍ଥାନରେ ଚଢଉ କରାଯାଇଥିଲା। ବୀରେନ୍ଦ୍ରଙ୍କ ନିକଟରୁ ୧୨ କୋଟି ନଗଦ ଟଙ୍କା, ୬ କୋଟିର ସ୍ଵର୍ଣ୍ଣ ଅଳଙ୍କାର, ୧୦ କିଲୋ ରୁପା ଅଳଙ୍କାର ଏବଂ ୧ କୋଟି ଟଙ୍କାର ବିଦେଶୀ ମୁୁଦ୍ରା ଜବତ କରାଯାଇଛି। ଭିଆଇପି ନମ୍ବର ଥିବା ତିନିଟି ଦାମୀ କାର୍ ଏବଂ ଏକାଧିକ ବହୁରାଷ୍ଟ୍ରୀୟ କ୍ୟାସିନୋ ସଦସ୍ୟତା କାର୍ଡ ମଧ୍ୟ ଜବତ କରାଯାଇଛି। ଇଡି ପକ୍ଷରୁ ବୀରେନ୍ଦ୍ରଙ୍କ ୧୭ଟି ବ୍ୟାଙ୍କ ଆକାଉଣ୍ଟ ଓ ୨ଟି ଲକରକୁ ସିଲ୍ କରାଯାଇଛି।
Powered by Froala Editor
