ଅନଲାଇନ ଗେମିଂ ବିଲ୍ ପାସ ହେଉ ହେଉ ଇଡି ଅନଲାଇନ ଗେମିଂ ରାକେଟ ଉପରେ ଆକ୍ସନ ନେଇଛି। ଇଡି କର୍ନାଟକର ଚିତ୍ରଦୁର୍ଗ ବିଧାୟକ କେସି ବୀରେନ୍ଦ୍ରଙ୍କୁ ଗ୍ୟାଙ୍ଗଟକରୁ ଗିରଫ କରିଛି। ସୂତ୍ର ଅନୁଯାୟୀ, କେନ୍ଦ୍ରୀୟ ସଂସ୍ଥା ବେଙ୍ଗାଲୁରୁ, ଚିତ୍ରଦୁର୍ଗ, ମୁମ୍ବାଇ, ଗୋଆ ଏବଂ ଗ୍ୟାଙ୍ଗଟକ ସମେତ ୩୧ଟି ସ୍ଥାନରେ ଚଢାଉ କରିଛି। ଗୋଆର ପାଞ୍ଚଟି ବଡ଼ କାସିନୋରେ ମଧ୍ୟ ଚଢାଉ କରାଯାଇଛି। କେନ୍ଦ୍ରୀୟ ଏଜେନ୍ସି ଏକକାଳୀନ ୩୧ଟି ସ୍ଥାନରେ ଚଢାଉ କରିଥିଲା।

ଏହି ଚଢାଉରେ ୧୨ କୋଟି ଟଙ୍କା କ୍ୟାଶ, ୬ କୋଟିର ସୁନା, ୧୦ କିଲୋର ରୂପା ଏବଂ ୪ଟି ଦାମୀ କାର ଜବତ ହୋଇଛି। ଏଥିସହ ୧୭ଟି ବ୍ୟାଙ୍କ ଆକାଉଣ୍ଟ ଏବଂ ୨ଟି ଲକର ଫିଜ୍ କରିଦିଆଯାଇଛି।

ଯାଞ୍ଚରେ ଜଣାପଡ଼ିଛି ବିଧାୟକ ଏବଂ ତାଙ୍କ ଭାଇ ଅନଲାଇନ ବେଟିଂ ସାଇଟ୍ସ King567 ଏବଂ Raja567 ଚଳାଉଥିଲେ। ଦୁବାଇର କମ୍ପାନୀଗୁଡ଼ିକ ମାଧ୍ୟମରେ ଟଙ୍କା କାରବାର ହେଉଥିଲା। ଏଥିସହ କଳା ଟଙ୍କାକୁ ଧଳା କରିବାକୁ ଚେଷ୍ଟା କରୁଥିଲେ।

ବୀରେନ୍ଦ୍ର ପପ୍ପି ଚିତ୍ରଦୁର୍ଗ ବିଧାନସଭା ଆସନର ବିଧାୟକ। ଏହି କାର୍ଯ୍ୟାନୁଷ୍ଠାନ ପ୍ରିଭେନ୍ସନ ଅଫ ମନି ଲଣ୍ଡରିଂ ଆକ୍ଟ (PMLA) ର ବ୍ୟବସ୍ଥା ଅନୁଯାୟୀ କରାଯାଉଛି। ସୂତ୍ର ଅନୁସାରେ ଅନଲାଇନ ବେଟିଂ ଏବଂ ଗେମିଂ ସମ୍ପର୍କରେ ବିଧାୟକ ଏବଂ ଅନ୍ୟ କିଛି ଲୋକଙ୍କ ଘର ଖୋଜା ଚାଲିଛି। 

Powered by Froala Editor