ଉତ୍ତରାଖଣ୍ଡର ଚମୋଲିର ଥରାଲିରେ ବାଦଲ ଫାଟିବା ଯୋଗୁଁ ବ୍ୟାପକ କ୍ଷୟକ୍ଷତି ଘଟିଛି। ଭଗ୍ନାବଶେଷ ତଳେ ଅନେକ ଘର ଏବଂ ଗାଡ଼ି ମୋଟର ଚାପି ହୋଇଯାଇଥିବା ସୂଚନା ମିଳିଛି। ପାଣିରେ ଭାସିଯାଉଛି ଘର, ଅଫିସ୍‌ ଓ ସରକାରୀ କୋଠା। ଜୀବନ ବି ଯାଉଛି। ଧରାଲି ପ୍ରଳୟ ପରେ ଲୋକ ଅଣ୍ଟା ସଳଖି ଠିଆ ନହଉଣୁ ପୁଣି ଥରାଲି ପ୍ରଳୟ ଲୋକଙ୍କୁ ଦୁର୍ବଳ କରାଇବା ଆରମ୍ଭ କଲାଣି।

ଶୁକ୍ରବାର ରାତିରେ ଥରାଲିରେ ହୋଇଥିବା ବାଦଲଫଟା ବର୍ଷା କସ୍‌ବେ ଏବଂ ଆଖପାଖ ଗାଁକୁ ପୂରା ‌ଦେହଲାଇ ରଖିଦେଇଛି। ଥରାଲି ଗାଁ ପାଖ ବଜାର ମଧ୍ୟ ଭୂସ୍ଖଳନରେ ପ୍ରଭାବିତ ହୋଇଛି।

ସାଗୱାରା ଗାଁରେ ଏହି ବିପର୍ଯ୍ୟୟରେ ଜଣେ ଯୁବତୀଙ୍କର ମଧ୍ୟ ମୃତ୍ୟୁ ହୋଇଥିବା ସୂଚନା ମିଳିଛି। ଉଦ୍ଧାର କାର୍ଯ୍ୟ ଜାରି ରହିଛି। ମଧ୍ୟରାତ୍ରିରେ ଘଟିଥିବା ଧ୍ୱଂସାବଶେଷ ଯୋଗୁଁ ଲୋକମାନେ ଆତଙ୍କିତ ଅଛନ୍ତି। ଭୟରେ ଘରୁ ବାହାରି ଆସିଛନ୍ତି। ରାସ୍ତାରେ ଏତେ ପରିମାଣରେ ଭଗ୍ନାବଶେଷ ଜମା ହୋଇଛି ଯେ ରାସ୍ତାଗୁଡ଼ିକ ନଦୀ ଭଳି ମନେ ହେଉଛି।

କିଛି ଦିନ ପୂର୍ବରୁ ଧରାଲି ଗାଁରେ ଯେଉଁଭଳି ପ୍ରଳୟ ଦେଖିବାକୁ ମିଳିଥିଲା, ଠିକ୍ ସେହିପରି ପ୍ରଳୟ ଥରାଲିରେ ବି ଦେଖିବାକୁ ମିଳିଛି । ତେବେ ପ୍ରାକୃତିକ ଦୁର୍ବିପାକ ରାତି ଅଧରେ ହୋଇଥିବାରୁ ଏଥିରେ ଅନେକ ମୃତାହତ ହୋଇଥିବା ଆଶଙ୍କା କରାଯାଉଛି ।  ଘଟଣା ସ୍ଥଳରେ ପ୍ରଶାସନ, ଏନଡିଆରଏଫ୍ ପକ୍ଷରୁ ଉଦ୍ଧାରକାର୍ଯ୍ୟ ଆରମ୍ଭ ହୋଇଛି 

Powered by Froala Editor