ଆମେରିକାର ଲୋକପ୍ରିୟ ବିଚାରପତି ଏବଂ ରିଆଲିଟି କୋର୍ଟ ସୋ' 'କଟ୍ ଇନ୍ ପ୍ରୋଭିଡେନ୍ସ'ର ଷ୍ଟାର ଫ୍ରାଙ୍କ କାପ୍ରିଓଙ୍କର ୮୮ ବର୍ଷ ବୟସରେ ମୃତ୍ୟୁ ଘଟିଛି। ଦୀର୍ଘ ସମୟ ଧରି କର୍କଟ ରୋଗ ସହିତ ଲଢ଼ୁଥିବା କାପ୍ରିଓ ସାହସର ସହିତ ରୋଗର ସାମ୍ନା କରିଥିଲେ, କିନ୍ତୁ ଶେଷରେ ଜୀବନ ଯୁଦ୍ଧରେ ହାରିଗଲେ।

ବୁଧବାର ଦିନ ତାଙ୍କର ସରକାରୀ ସୋସିଆଲ ମିଡ଼ିଆ ଆକାଉଣ୍ଟରେ ସୂଚନା ଦିଆଯାଇଥିଲା ଯେ ଦୀର୍ଘ ଦିନ ହେବ କର୍କଟ ରୋଗରେ ପୀଡିତ ହୋଇ ସେଥିରେ ସାହସିକ ଭାବରେ ଲଢେଇ କରିବା ପରେ ସେ ଶେଷରେ ହାରି ଯାଇ ଶେଷ ନିଶ୍ୱାସ ତ୍ୟାଗ କରିଛନ୍ତି । ଗତ ସପ୍ତାହରେ ଫ୍ରାଙ୍କ କାପ୍ରିଓ ଫେସବୁକରେ ଏକ ଛୋଟ ଭିଡ଼ିଓ ପୋଷ୍ଟ କରିଥିଲେ, ଯେଉଁଥିରେ ସେ କହିଥିଲେ ଯେ ତାଙ୍କ ସ୍ୱାସ୍ଥ୍ୟବସ୍ଥା କିପରି ବିଗିଡି ଯାଇଥିଲା । ଫଳରେ ସେ ପୁଣି ଥରେ ହେସ୍ପିଟାଲରେ ଭର୍ତ୍ତି ହୋଇଥିଲେ । ଲୋକମାନେ ପ୍ରାର୍ଥନାରେ ମୋତେ ମନେ ରଖନ୍ତୁ ବୋଲି ଅନୁରୋଧ କରିଥିଲେ ।

ଫ୍ରାଙ୍କ କାପ୍ରିଓ କୋର୍ଟ ରୁମକୁ ନ୍ୟାୟ ଓ ମାନବିକତାର ଏକ ଉଦାହରଣ କରିଥିଲେ। ଛୋଟ ଛୋଟ ମାମଲାରେ ତାଙ୍କର କରୁଣାପୂର୍ଣ୍ଣ ମନୋଭାବ, ଗରିବ ଓ ସମସ୍ୟାଗ୍ରସ୍ତ ପରିବାରକୁ ଆଶ୍ୱସ୍ତି ଦେଉଥିବା ତାଙ୍କ ନିଷ୍ପତ୍ତି ପ୍ରାୟତଃ ଇଣ୍ଟରନେଟରେ ଭାଇରାଲ ହେଉଥିଲା। ଯେତେବେଳେ ଅନେକ ଟ୍ରାଫିକ୍ ଉଲ୍ଲଂଘନକାରୀ ତାଙ୍କ କୋର୍ଟକୁ ଆସୁଥିଲେ, କାପ୍ରିଓ ସେମାନଙ୍କୁ ଦଣ୍ଡ ଦେବା ପରିବର୍ତ୍ତେ ସେମାନଙ୍କ ପରିସ୍ଥିତିକୁ ବୁଝୁଥିଲେ ଏବଂ ଅନେକ ଥର ଦଣ୍ଡ ମଧ୍ୟ ଛାଡ଼ କରିଥିଲେ। ଏହି ସମ୍ବେଦନଶୀଳ ଓ ମାନବୀୟ ନିଷ୍ପତ୍ତି ତାଙ୍କୁ ବିଶ୍ୱରେ ପରିଚିତ କରିଥିଲା।

୧୯୩୬ ମସିହାରେ ରୋଡ ଆଇଲ୍ୟାଣ୍ଡର ପ୍ରୋଭିଡେନ୍ସରେ ଜନ୍ମଗ୍ରହଣ କରିଥିବା କାପ୍ରିଓ କିଛି ଦଶନ୍ଧି ଧରି ମ୍ୟୁନିସିପାଲ୍ ଜଜ୍ ଭାବରେ କାର୍ଯ୍ୟ କରିଥିଲେ। କିନ୍ତୁ ଯେତେବେଳେ ତାଙ୍କ କୋର୍ଟ ସୋ' ଟିଭିରେ ପ୍ରସାରିତ ହେବା ଆରମ୍ଭ ହେଲା ସେତେବେଳେ ସେ ପ୍ରକୃତ ଲୋକପ୍ରିୟତା ପାଇଥିଲେ। 'କଟ୍ ଇନ୍ ପ୍ରୋଭିଡେନ୍ସ' ୨୦୧୮ ରୁ ୨୦୨୦ ମଧ୍ୟରେ ଜାତୀୟ ସ୍ତରରେ ପ୍ରସାରିତ ହୋଇଥିଲା ଏବଂ ସୋ’ଟି ଅନେକ ଡେ ଟାଇମ୍ ଏମି ପୁରସ୍କାର ପାଇଁ ମନୋନୀତ ହୋଇଥିଲା।  ତାଙ୍କର ସବୁଠାରୁ ଲୋକପ୍ରିୟ ଭିଡ଼ିଓ ଗୁଡିକ ହେଉଛି ଯେଉଁଠାରେ ସେ ପିଲାମାନଙ୍କୁ ସେମାନଙ୍କ ପିତାମାତାଙ୍କ ଉପରେ ବିଚାର କରିବାରେ ସାହାଯ୍ୟ କରିବା ପାଇଁ ବେଞ୍ଚକୁ ଡାକିଥାନ୍ତି ।

Powered by Froala Editor