ଲୋକସଭାରେ ହୋହଲ୍ଲା ହଟ୍ଟଗୋଳ ମଧ୍ୟରେ ଆଗତ ହୋଇଛି ବହୁ ପ୍ରତିକ୍ଷୀତ ବିଲ୍ । ଗୃହମନ୍ତ୍ରୀ ଅମିତ ଶାହ ଏହି ବିଲ୍ ଆଗତ କରିଛନ୍ତି । ଯାହା ଆଧାରରେ ସେ  ପ୍ରଧାନମନ୍ତ୍ରୀ ହୁଅନ୍ତୁ ବା, ମୁଖ୍ୟମନ୍ତ୍ରୀ ହୁଅନ୍ତୁ କେହି ବି ବାଦ୍ ପଡିବେନି ।

ଅପରାଧରେ ଲିପ୍ତ ଥିଲେ କିମ୍ବା ଅପରାଧିକ ମାମଲାରେ ମାସେରୁ ଅଧିକ ଜେଲ ଯାଇଥିଲେ ସେମାନଙ୍କୁ ନିସ୍ତାର ଦିଆଯିବନି । ଜେଲରେ ଥିଲେ ବି ସେମାନଙ୍କ ପଦ ସେମିତି ସୁରକ୍ଷିତ ରହିବନି । ଏଣିକି ଜେଲରେ ମାସେରୁ ଅଧିକ ରହିଲେ ସେମାନଙ୍କ ପଦବୀ ବିପଦରେ ପଡିବ । ସେମାନଙ୍କୁ ସେମାନଙ୍କ ପଦ ହରାଇବାକୁ ପଡ଼ିବ । ନେତା ମନ୍ତ୍ରୀ ଯେ କେହି ୩୦ ଦିନରୁ ଅଧିକ ସମୟ ଜେଲରେ ରହିଥିବେ ସେମାନଙ୍କୁ ପଦରୁ ବହିଷ୍କାର କରାଯିବ ।

ସେପଟେ ବିଲ୍ ଉପସ୍ଥାପନ ହେବା ମାତ୍ରେ ହଙ୍ଗାମା କରିଥିଲେ ବିରୋଧୀ ଦଳ । ବିଲ୍‌କୁ ଚିରି ଫିଙ୍ଗି ଫୋପାଡିବାକୁ ବି ପଛାଇନଥିଲେ । କିଛି ବିରୋଧୀ ସାଂସଦ ଲୋକସଭାର ୱେଲ ଭିତରକୁ ଆସି ସ୍ଲୋଗାନ ଦେବା ଆରମ୍ଭ କରିଥିଲେ । ଏହି ସମୟରେ କିଛି ବିରୋଧୀ ସାଂସଦ ବିଲର କପି ଚିରି ଅମିତ ଶାହଙ୍କ ଆଡ଼କୁ କାଗଜ ଖଣ୍ଡ ଫିଙ୍ଗି ଦେଇଥିଲେ ।

ତଥାପି, ବିଲ୍ ଉପସ୍ଥାପନ କରିବା ସମୟରେ ଅମିତ ଶାହ କହିଥିଲେ ଯେ ସରକାର ଏହି ବିଲ୍ କୁ JPC ନିକଟକୁ ପଠାଇବାକୁ ପ୍ରସ୍ତାବ ଦେଉଛନ୍ତି । ଏହା ସତ୍ତ୍ୱେ, ବିଲ୍‌କୁ ବିରୋଧର ସମ୍ମୁଖୀନ ହେବାକୁ ପଡିଛି । ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ୬ ମାସ ଓ ତାମିଲନାଡୁ ମୁଖ୍ୟମନ୍ତ୍ରୀ ଏମ୍‌. କେ ଷ୍ଟାଲିନ୍ ୨ ମାସ ଜେଲ୍‌ରେ ରହିଥିଲେ ବି ନିଜ ପଦରୁ ଇସ୍ତଫା ଦେଇନଥିଲେ । ମାତ୍ର ଏବେ ସେସବୁ ଘଟଣାର ପୁନରାବୃତ୍ତି ହେବନି । ଯଦି ନେତା ୩୦ରୁ ଦିନ ଅଧିକ ଜେଲ୍‌ରେ ରୁହନ୍ତି କିମ୍ବା ସେମାନଙ୍କୁ ଅତି କମ୍‌ରେ ୫ ବର୍ଷ ଜେଲ୍‌ ଦଣ୍ଡ ହୁଏ, ତାହାଲେ ସେହି ନେତାଙ୍କୁ ତାଙ୍କ ପଦରୁ ବହିଷ୍କାର କରାଯିବ ।

Powered by Froala Editor