ଯେଉଁ ଔଷଧକୁ ପ୍ରସ୍ତୁତ କରୁଥିବା କମ୍ପାନୀ ଖୁଚୁରା ବିକ୍ରେତାଙ୍କୁ ୨,୭୦୦ ଟଙ୍କାରେ ବିକ୍ରି କରୁଛି, କିନ୍ତୁ ତା’ ଉପରେ MRP ୨୭,୦୦୦ ଟଙ୍କା ଅର୍ଥାତ୍ ୧୦ ଗୁଣା ଅଧିକ ଛପା ଯାଉଛି। କ୍ୟାନସର ଔଷଧର MRP ସହ ଜଡ଼ିତ ଏକ ଆବେଦନ ଉପରେ ସୁପ୍ରିମକୋର୍ଟରେ ଶୁଣାଣି ହୋଇଛି , ଯେଉଁଥିରେ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ଟିପ୍ପଣୀ ଦେଇଛନ୍ତି । କୋର୍ଟ କହିଛନ୍ତି ଯେ, କ୍ୟାନ୍ସର ପରି ଜରୁରୀ ଔଷଧ ୨୭,୦୦୦ ଟଙ୍କାରେ ବିକ୍ରି କରାଯାଉଛି, ଯେତେବେଳେ କି ଏହାର PTR (ଖୁଚୁରା ବିକ୍ରେତାଙ୍କୁ ମିଳୁଥିବା ମୂଲ୍ୟ) ମାତ୍ର ୨,୭୦୦ ଟଙ୍କା ରହିଛି । ଏହା ଦିନ ଦ୍ୱିପ୍ରହରର ଡକାୟତି ସଦୃଶ ।

ସୁପ୍ରିମକୋର୍ଟ ଆହୁରି କହିଛନ୍ତି ଯେ, ଯେତେବେଳେ ରୋଗୀମାନେ ଆୟୁଷ (AYUSH) ଯୋଜନା ଅଧୀନରେ ଚିକିତ୍ସିତ ହୁଅନ୍ତି, ସେତେବେଳେ ଏହାର ପୂରା ଖର୍ଚ୍ଚ କରଦାତା (Taxpayers) ବହନ କରନ୍ତି । ହସ୍ପିଟାଲଗୁଡ଼ିକ ଏହି ଅଧିକ ମୂଲ୍ୟରେ ଔଷଧ କିଣନ୍ତି ଏବଂ ପରେ ସରକାରଙ୍କ ଠାରୁ ସେହି ଟଙ୍କା ଫେରସ୍ତ (Reimburse) ନିଅନ୍ତି । ଏହା କରଦାତାଙ୍କର ହିଁ ଟଙ୍କା । ଏହା ସ୍ପଷ୍ଟ ଭାବେ ଏକ ପ୍ରତାରଣାର ମାମଲା ।

ଶୁଣାଣି ସମୟରେ ଜଷ୍ଟିସ ସନ୍ଦୀପ ମେହେଟ୍ଟା କହିଛନ୍ତି ଯେ, ଆଶ୍ଚର୍ଯ୍ୟର ବିଷୟ ହେଉଛି ଯେଉଁ ଅଧିକାରୀମାନେ ଏହାଉପରେ ନିଷ୍ପତ୍ତି ନେବା କଥା, ସେମାନେ ସମ୍ପୂର୍ଣ୍ଣ ନୀରବ । ଔଷଧ ନିର୍ମାତା ଏବଂ Supply Chain ଅନୁଚିତ ଲାଭ ଅର୍ଜନ କରିବାକୁ ସୁଯୋଗ ଦିଆ ଯାଉଛି, ଯେତେବେଳେ କି ନିୟାମକ ସଂସ୍ଥାଗୁଡ଼ିକ ଚୁପଚାପ୍ ଦେଖୁଛନ୍ତି । ଫଳରେ ଗମ୍ଭୀର ରୋଗ ସହ ଲଢ଼ୁଥିବା ପରିବାର ଗୁଡ଼ିକ ଗୁରୁତର ଆର୍ଥିକ ସଙ୍କଟ ମଧ୍ୟକୁ ଠେଲି ହୋଇ ଯାଉଛନ୍ତି ।

Powered by Froala Editor