ଦୀପାବଳିରେ ରିଲିଜ ହେବ ଫିଲ୍ମ ‘ଥାମା’ । ଏହି ହରର୍‌-କମେଡି ୟୁନିଭର୍ସର ‘ଥାମା’ ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ଆୟୁଷ୍ମାନ ଖୁରାନା ଓ ରଶ୍ମିକା ମନ୍ଦାନା । 

ଦିଲ୍ଲୀର ଐତିହାସିକ ବିଜୟନଗର ପୃଷ୍ଠଭୂମି ଉପରେ ଫିଲ୍ମଟି ପର୍ଯ୍ୟବସିତ । ଆୟୁଷ୍ମାନ ଜଣେ ଐତିହାସିକ ଅଧ୍ୟୟନକର୍ତ୍ତା ଭୂମିକାରେ ଅଭିନୟ କରିଛନ୍ତି । ତାଙ୍କର ରୋମାଣ୍ଟିକ୍‌ ଯାତ୍ରା ଏକତରଫା ପ୍ରେମ ଉପରେ ଆଧାରିତ । ଆଦିତ୍ୟ ସରପୋଟଦାରଙ୍କ ନିର୍ଦ୍ଦେଶିତ ‘ଥାମା’ ଏ ବର୍ଷ ଦୀପାବଳିରେ ରିଲିଜ୍‌ ହେବ । ଏଥିପାଇଁ ଦର୍ଶକଙ୍କ ଉତ୍ସାହ ଆହୁରି ବଢ଼ିଯାଇଛି ।

ଫିଲ୍ମକୁ ନେଇ ସିନେପ୍ରେମୀ ଉତ୍ସାହିତ ଥିବାବେଳେ ନିର୍ମାତା ଏହାର ଫାର୍ଷ୍ଟ-ଲୁକ୍‌ ପୋଷ୍ଟର୍‌ ରିଲିଜ୍‌ କରିଛନ୍ତି । ଏଥିରେ ଆୟୁଷ୍ମାନ, ରଶ୍ମିକା, ପରେଶ ରାୱଲ ଓ ନୱାଜୁଦ୍ଦିନ ସିଦ୍ଦିକିଙ୍କ ଲୁକ୍‌ ଦେଖିବାକୁ ମିଳିଛି । ଫାର୍ଷ୍ଟଲୁକ୍‌ ପୋଷ୍ଟର୍‌ରେ ନିର୍ମାତା ଆୟୁଷ୍ମାନ ଖୁରାନାଙ୍କ ‘ଆଲୋକ’ ଚରିତ୍ରକୁ ସାମ୍ନାକୁ ଆଣିଛନ୍ତି । ଏଥିସହ କ୍ୟାପ୍‌ସନ ଲେଖିଛନ୍ତି ‘ଇନ୍‌ସାନିୟତ୍‌ କି ଆଖ୍‌ରି ଉମ୍ମିଦ୍‌’ । ରଶ୍ମିକାଙ୍କ ‘ତାଡ଼କା’ ଚରିତ୍ରର ଲୁକ୍‌ ଜାରି କରି ଲେଖିଛନ୍ତି ‘ରୋଶ୍‌ନି କି ଏକ୍‌ ହି ପହେଲି କିରନ୍‌ ।’ ପରେଶ ରାୱଲ ରାମ ବଜାଜ ଗୋୟଲ ଭାବେ ଉଭୟ କମେଡିଆନ୍‌ ଓ ଦୁଃଖୀ ଚରିତ୍ର ନିର୍ବାହ କରିଛନ୍ତି । ‘ୟକ୍ଷାଶନ’ ଭାବେ ପରଦାକୁ ଫେରିଛନ୍ତି ନୱାଜୁଦ୍ଦିନ ।  

Powered by Froala Editor