ଗିରଫ ହେଲେ ଜୟପୁର ଡେପୁଟି ରେଞ୍ଜର
ଭୁବନେଶ୍ୱର : ଗିରଫ ହେଲେ ଜୟପୁର ଡେପୁଟି ରେଞ୍ଜର ରାମଚନ୍ଦ୍ର ନେପାକ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ କୋଟିପତି ଜଙ୍ଗଲବାବୁ ଗିରଫ ହୋଇଛନ୍ତି । ରାମଚନ୍ଦ୍ର ନେପାକଙ୍କୁ ଶନିବାର ଭିଜିଲାନ୍ସ ଟିମ୍ ଗିରଫ କରିଛି । ରେଞ୍ଜର ବାବୁଙ୍କ ଏକକାଳୀନ ୬ଟି ସ୍ଥାନରେ ଚଢାଉ କରାଯିବା ସହ ତାଙ୍କ ଘରୁ ପ୍ରାୟ ୧ କୋଟି ୪୩ ଲକ୍ଷ ଟଙ୍କା ଓ ଦେଢ କେଜି ସୁନା ଜବତ ହୋଇଥିଲା । ବ୍ୟାଙ୍କ ଆକାଉଣ୍ଟରେ ୧ କୋଟି ୩୩ ଲକ୍ଷରୁ ଅଧିକ ଟଙ୍କା ଜମା ରହିଛି । ଭିଜିଲାନ୍ସ ଟିମ୍ ଅଧିକରୁ ଅଧିକ ତଦନ୍ତ କରିବା ସହ ତାଙ୍କୁ ଗିରଫ କରି ଘଟଣାର ତଦନ୍ତ ଜାରି ରଖିଛି ।
Powered by Froala Editor
