ସୁଟିଂରେ ଶାହରୁଖ ଆହତ, ଆମେରିକାରେ ହେବ ସର୍ଜରୀ
ବଲିଉଡର ସୁପରଷ୍ଟାର ଶାହାରୁଖ ଖାନ୍, ୫୯ ବର୍ଷ ବୟସରେ ମଧ୍ୟ ଏକ୍ସନ୍ ଦୃଶ୍ୟ ନିଜେ କରୁଛନ୍ତି। ଫିଲ୍ମରେ କଠିନ ପରିଶ୍ରମ ପାଇଁ ଜଣାଶୁଣା ଶାହରୁଖ ଏକ ଷ୍ଟଣ୍ଟ ବେଳେ ଆହତ ହୋଇଛନ୍ତି। ବର୍ତ୍ତମାନ ସେ ମୁମ୍ବାଇରେ ତାଙ୍କର ଆଗାମୀ ଫିଲ୍ମ ‘କିଙ୍ଗ’ର ସୁଟିଂରେ ବ୍ୟସ୍ତ ଥିଲେ। କିନ୍ତୁ ଏହି ସୁଟିଂ ସମୟରେ ଏକ ଦୁର୍ଘଟଣା ଘଟିଛି। ଏକ ହାଇ-ଇଣ୍ଟେନସିଟି ଏକ୍ସନ୍ ଦୃଶ୍ୟ ସୁଟିଂ କରୁଥିବା ସମୟରେ ଶାହାରୁଖ ଆହତ ହୋଇଛନ୍ତି।
ରିପୋର୍ଟ ଅନୁସାରେ, ଏହି ଘଟଣା ମୁମ୍ବାଇର ଗୋଲ୍ଡେନ୍ ଟୋବାକୋ ଷ୍ଟୁଡିଓରେ ଘଟିଛି। ଶାହାରୁଖଙ୍କୁ ମାଂସପେଶୀ ସମ୍ବନ୍ଧୀୟ ଆଘାତ ଲାଗିଛି। ଆଘାତର ସଠିକ୍ ବିବରଣୀ ଗୁପ୍ତ ରଖାଯାଇଛି, କିନ୍ତୁ ଶାହରୁଖ ତାଙ୍କ ଦଳ ସହିତ ତୁରନ୍ତ ଚିକିତ୍ସା କରାଇବା ପାଇଁ ଆମେରିକା ଯାଇଛନ୍ତି। ତେବେ ଆଘାତ ଗମ୍ଭୀର ନୁହେଁ। ଆମେରିକାରେ ତାଙ୍କର ସର୍ଜରୀ ହେବା ପରେ ସେ ମାସେ ବିଶ୍ରାମ ନେବେ। ଏହା ପରେ ଯାଇ ପୁଣି ଥରେ ସୁଟିଂ ଆରମ୍ଭ ହୋଇପାରିବ।
ଏହା ପ୍ରଥମ ଥର ନୁହେଁ ଯେ ଶାହାରୁଖ ସୁଟିଂ ସମୟରେ ଆହତ ହୋଇଛନ୍ତି। ବିଗତ ୩୦ ବର୍ଷରେ ସେ ତାଙ୍କ ଫିଲ୍ମ ପାଇଁ ଅନେକ ଥର ଆଘାତ ପାଇଛନ୍ତି।
Powered by Froala Editor
