ଭୁବନେଶ୍ୱର: ଅଘୋଷିତ ବିଜୁଳି କାଟ ଓ ବିଜୁଳି ଦରବୃଦ୍ଧି ପ୍ରତିବାଦରେ ବିଜେପି ପକ୍ଷରୁ ଆଜି ଠାରୁ ପ୍ରତିବାଦ ଆରମ୍ଭ ହୋଇଛି । ଏହି ପରିପ୍ରେକ୍ଷୀରେ ଭୁବନେଶ୍ୱର ମାଷ୍ଟରକ୍ୟାଣ୍ଟିନ ଛକରେ ରାଜ୍ୟ ବିଜେପି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି ।  ଆସନ୍ତା ୨୦ ତାରିଖ ଯାଏଁ ରାଜ୍ୟର ସବୁ ବିଦୁ୍ୟତ ଅଫିସ ଆଗରେ ବିଜେପି କର୍ମୀମାନେ ଆନେ୍ଦାଳନ କରିବେ ବୋଲି ଜଣାଯାଇଛି ।

ପ୍ରକାଶ ଯେ, ଅଘୋଷିତ ବିଜୁଳିକାଟ ସହ ସାଧାରଣ ଜନତାଙ୍କ ମୁଣ୍ଡରେ ବଢ଼ିଛି ବିଜୁଳି ବୋଝ । ବିଦ୍ୟୁତ ପରିଚାଳନାରେ ଶକ୍ତି ବିଭାଗ ଫେଲ ମାରିଥିବା ବେଳେ ରାଜ୍ୟର ବିଭିନ୍ନ ସ୍ଥାନରୁ ଆସୁଛି ପୁଳାପୁଳା ଅଭିଯୋଗ । ବିନା ମିଟରରେ ଉପଭୋକ୍ତାଙ୍କ ପାଖକୁ ବିଜୁଳି ବିଲ ଆସୁଥିବା ବେଳେ ବିଦ୍ୟୁତ ସଂଯୋଗ ନ ହୋଇ ଚାଷୀଙ୍କ ନାଁରେ ଆସିଛି ଲକ୍ଷାଧିକ ଟଙ୍କାର ବିଲ୍ ।

ଏହାକୁ ନେଇ ଆନ୍ଦୋଳନ ପାଇଁ ଅଣ୍ଟା ଭିଡ଼ିଛି ରାଜ୍ୟ ବିଜେପି । ଆଜିଠାରୁ ରାଜ୍ୟର ସବୁ ବିଦ୍ୟୁତ ବଣ୍ଟନକାରୀ ସଂସ୍ଥାର କାର୍ୟ୍ୟାଳୟ ଆଗରେ ବିକ୍ଷୋଭ ଓ ପ୍ରତିବାଦ କରିବ ବିଜେପି । ଏହା ସହ ଭିତ୍ତିଭୂମି ସଜାଡିବା ପାଇଁ କେଉଁ ଅଞ୍ଚଳରେ କେତେ କାମ ହୋଇଛି ତାର ଶ୍ୱେତ ପତ୍ର ଦେବାକୁ ଦାବି ହୋଇଛି । ଉପଭୋକ୍ତାଙ୍କୁ ରିହାତି ନ ଦେଇ ଓଏଚପିସି ଭଳି ସଂସ୍ଥାକୁ ୫,୨୨୫ କୋଟିର ଜଳକର ଛାଡ ନେଇ ମଧ୍ୟ ସରକାରଙ୍କ ପାଖରୁ ଜବାବ ମାଗିଛି ବିଜେପି ।

Powered by Froala Editor