ଫୋନ୍ କଲ ଲିକ୍ ମାମଲା: ପଦ ହରାଇଲେ ପ୍ରଧାନମନ୍ତ୍ରୀ
ଗୋଟିଏ ଫୋନ୍ କଲରେ ପଦ ହରାଇଛନ୍ତି ପ୍ରଧାନମନ୍ତ୍ରୀ । ଏପରି ଘଟଣା ଘଟିଛି ଥାଇଲାଣ୍ଡରେ । ଜଣେ ପୂର୍ବତନ କାମ୍ବୋଡିଆନ ନେତାଙ୍କ ସହିତ ଫୋନ୍ କଲ୍ ଲିକ୍ ହେବା ମାମଲାର ତଦନ୍ତ ବିଳମ୍ବ ହେବାରୁ ଥାଇଲ୍ୟାଣ୍ଡର ସାମ୍ବିଧାନିକ ଅଦାଲତ ପ୍ରଧାନମନ୍ତ୍ରୀ ପାଏଟୋଙ୍ଗଟାର୍ଣ୍ଣ ସିନାୱାତ୍ରାଙ୍କୁ ପଦରୁ ନିଲମ୍ବିତ କରିଛନ୍ତି।
କାମ୍ବୋଡିଆ ସହିତ କୂଟନୈତିକ ବିବାଦ ଏବଂ ଏକ ଲିକ୍ ହୋଇଥିବା ଫୋନ୍ କଲ୍ ପରେ ଏହି ନିଷ୍ପତ୍ତି ଆସିଛି, ଯାହା ଥାଇଲାଣ୍ଡର ସଂସଦ ଏବଂ ସାମରିକ ପ୍ରତିଷ୍ଠାନରେ ବିରାଟ ରାଜନୈତିକ ଉତ୍ତେଜନା ସୃଷ୍ଟି କରିଛି। କୋର୍ଟ ୭-୨ ଭୋଟର ବହୁମତରେ ଏହି ନିଷ୍ପତ୍ତି ଦେଇଛନ୍ତି ଯେ, ପ୍ରଧାନମନ୍ତ୍ରୀଙ୍କୁ ଜୁଲାଇ ୧ରୁ ଏହି ମାମଲାରେ ଚୂଡ଼ାନ୍ତ ନିଷ୍ପତ୍ତି ନ ନିଆଯିବା ପର୍ଯ୍ୟନ୍ତ ତାଙ୍କ କାର୍ଯ୍ୟରୁ ନିଲମ୍ବିତ କରାଯାଇଛି।
ଏହି ସମ୍ପୂର୍ଣ୍ଣ ବିବାଦ ୨୦୨୫ ମେ’ରେ ଥାଇଲାଣ୍ଡ ଏବଂ କାମ୍ବୋଡିଆ ସୀମାରେ ଏକ ସଂଘର୍ଷ ପରେ ଆରମ୍ଭ ହୋଇଥିଲା, ଯେଉଁଥିରେ ଜଣେ କାମ୍ବୋଡିଆନ୍ ସୈନିକଙ୍କ ମୃତ୍ୟୁ ହୋଇଥିଲା। ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ପାଟୋଙ୍ଗଟାର୍ଣ୍ଣ କାମ୍ବୋଡିଆନ୍ ନେତା ଏବଂ ପୂର୍ବତନ ପ୍ରଧାନମନ୍ତ୍ରୀ ହୁନ୍ ସେନଙ୍କୁ ଏକ ଟେଲିଫୋନ୍ କଲ୍ କରିଥିଲେ। ଏହି କଲ୍ ସମ୍ପ୍ରତି ଲିକ୍ ହୋଇଥିଲା, ଯେଉଁଥିରେ ସେ ହୁନ୍ ସେନଙ୍କୁ ‘ଅଙ୍କଲ’ ବୋଲି ସମ୍ବୋଧିତ କରିଥିଲେ ଏବଂ ଥାଇ ସେନାର ଜଣେ ବରିଷ୍ଠ କମାଣ୍ଡରଙ୍କୁ ‘ପ୍ରତିଦ୍ୱନ୍ଦ୍ୱୀ’ ବୋଲି କହିଥିଲେ। ଏହି ବିବୃତ୍ତି ଦେଶ ଭିତରେ ତୀବ୍ର ପ୍ରତିକ୍ରିୟା ସୃଷ୍ଟି କରିଥିଲା।
Powered by Froala Editor
