ଡ୍ରାଇଭରଙ୍କୁ ଦାଦାବଟି ମାଗି, ୪ ଗିରଫ
ଜଳେଶ୍ଵର : ବେଆଇନ୍ ଦାଦା ବଟି ଆଦାୟ ପଡିଲା ମହଙ୍ଗା। ୪ ଜଣଙ୍କୁ ଗିରଫ କଲା ଜଳେଶ୍ଵର ପୁଲିସ୍ । ଜଳେଶ୍ଵର ୬୦ ନଂ ଜାତୀୟ ରାଜପଥ ଶାନ୍ତିଆ ନିକଟରେ ଏଭଳି ଅଭାବନୀୟ ଘଟଣା ଘଟିଛି। ଦାଦା ବଟି ନ ଦେବାରୁ ଟ୍ରକ୍ ଡ୍ରାଇଭର ଏବଂ ହେଲପରଙ୍କୁ ଆକ୍ରମଣ ହୋଇଛି। ଟଙ୍କା ଦେବାକୁ ମନା କରିବାରୁ ଏଭଳି ଅଘଟଣ ଘଟିଛି। ସୂଚନା ଅନୁଯାୟୀ ଶାନ୍ତିଆ ଛକ ନିକଟରେ ଜଣେ ଡ୍ରାଇଭର ତାଙ୍କ ଟ୍ରକ ଛିଡା କରାଇ ଚା ପିଇବା ସମୟରେ କିଛି ଯୁବକ ଟ୍ରକ ହେଲ୍ପର ଏବଂ ଡ୍ରାଇଭରଙ୍କୁ ଘେରି ଦାଦାବଟି ମାଗିଥିଲେ। ଟଙ୍କା ନଦେବାରୁ ଡ୍ରାଇଭରଙ୍କୁ ଦୁର୍ବୁତ୍ତମାନେ ନିସ୍ତୁକ ମାଡ ମାରିଥିଲେ। ପରେ ପୁଲିସ୍ କୁ ଜଣାଇବା ପରେ ଏସଆଇ ଏବଂ ଜଣେ ମହିଳା କନଷ୍ଟେବଳ ଘଟଣାସ୍ଥଳରେ ପହଞ୍ଚିଥିଲେ। ଦୁର୍ବୁତ୍ତମାନେ ସେମାନଙ୍କ ମଧ୍ୟ ଆକ୍ରମଣ କରିଥିଲେ। ଜଳେଶ୍ଵର ପୁଲିସ୍ ଏହି ଘଟଣାରେ ୪ ଜଣଙ୍କୁ ଗିରଫ କରିଛି।
Powered by Froala Editor
