ବଲିଉଡ ଅଭିନେତା ଆୟୁଷ୍ମାନ ଖୁରାନାଙ୍କ ପତ୍ନୀ ତାହିରା କଶ୍ୟପ ୨୦୧୮ ମସିହାରେ ସାହସର ସହିତ ସ୍ତନ କର୍କଟ ସହିତ ଏକ ଲମ୍ବା ଲଢ଼େଇ ଲଢ଼ିଥିଲେ। ଏବେ ତାଙ୍କୁ ପୁଣି ଥରେ ସ୍ତନ କର୍କଟ ହୋଇଛି। ତାହିରା ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ସୂଚନା ଦେଇଛନ୍ତି।

ତାହିରା ତାଙ୍କ ବ୍ୟକ୍ତିଗତ ଜୀବନ ବିଷୟରେ ମଧ୍ୟ କଥା ହେବାକୁ କେବେ ପଛଘୁଞ୍ଚା ଦେଇନାହାଁନ୍ତି। ତାହିରା ସବୁବେଳେ ଇନଷ୍ଟାଗ୍ରାମରେ ପୋଷ୍ଟ କରି ଲୋକଙ୍କୁ କ୍ୟାନସର୍‌ ରୋଗ ବିରୋଧରେ ଲଢ଼ିବା ଏବଂ ଜିତିବା ବିଷୟରେ ସଚେତନ କରିଆସୁଛନ୍ତି। କ୍ୟାନସର ସହିତ ଦୀର୍ଘ ଦିନ ଧରି ଲଢ଼ୁଥିବା ତାହିରା ପୁଣି ଥରେ ଏହି ଗମ୍ଭୀର ରୋଗର ଶିକାର ହୋଇଛନ୍ତି।

କର୍କଟ ବିଷୟରେ ଜଣାଇ ତାହିରା କଶ୍ୟପ ଲେଖିଛନ୍ତି, 'ସାତ ବର୍ଷର ନିୟମିତ ଚେକଅପ୍ ପରେ ଏବେ ପୁଣି ମୁଁ ସ୍ତନ କର୍କଟ ରୋଗରେ ପୀଡ଼ିତ ହୋଇଛି।' ଏଭଳି ଲେଖାଥିବା ଫଟୋ ସେୟାର କରି ସେ ପୋଷ୍ଟର କ୍ୟାପସନରେ ଲେଖିଛନ୍ତି,  "ଯେତେବେଳେ ଜୀବନ ତୁମକୁ ଲେମ୍ବୁ ଦିଏ, ଲେମ୍ବୁ ପାଣି ତିଆରି କର। ଯେତେବେଳେ ଜୀବନ ଅତ୍ୟଧିକ ଉଦାର ହୋଇଯାଏ ଏବଂ ସମସ୍ୟାକୁ ବାରମ୍ବାର ତୁମ ଉପରେ ଅଜାଡି ଦିଏ, ସେତେବେଳେ ଶାନ୍ତ ଭାବରେ ଲେମ୍ବୁକୁ କାଲା ଖଟ୍ଟା ପାନୀୟ ମିଶାଇ ଭଲ ଉଦ୍ଦେଶ୍ୟ ସହ  ଏହାକୁ ପିଅ। କାରଣ ପ୍ରଥମତଃ ଏହା ଭଲ ଏବଂ ଦ୍ୱିତୀୟତଃ ତୁମେ ଜାଣ ଯେ ତୁମେ ପୁଣି ଥରେ ତୁମର ଶ୍ରେଷ୍ଠ ପ୍ରଦର୍ଶନ କରିବ। ନିୟମିତ ସ୍କ୍ରିନିଂ କରାନ୍ତୁ। ମାମୋଗ୍ରାମକୁ ଭୟ କରନ୍ତୁ ନାହିଁ। ଯଥାସମ୍ଭବ ନିଜର ଯତ୍ନ ନେବାକୁ ଚେଷ୍ଟା କରନ୍ତୁ।"

Powered by Froala Editor