ଜଣେ ବ୍ୟକ୍ତିଙ୍କ ଉନ୍ମତ୍ତ କାଣ୍ଡ ପାଇଁ ୩୦୦ ପରିବାର ପାଣି ପାଇଁ ହନ୍ତସନ୍ତ ହେଉଛନ୍ତି ।  ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ଅନ୍ତର୍ଗତ ଡୁମୁଣିଗୁଡ଼ାରେ ସେହି ଗ୍ରାମ ଜଣେ ବ୍ୟକ୍ତି ୮୦ ହଜାର ଲିଟର ପାଣି ଟାଙ୍କି ଭିତରେ ପରିସ୍ରା କରିବା ସହ ଛେପ ପକାଇଛନ୍ତି। ବ୍ୟକ୍ତି ଜଣକ ଏଭଳି କାମ କରିବାରୁ ଗ୍ରାମବାସୀ ଉକ୍ତ ପାଣି ଟାଙ୍କିରୁ ୫ ଦିନ ହେଲା ପାଣି ବ୍ୟବହାର କରୁ ନାହାନ୍ତି।

ଡାବୁଗାଁ ବ୍ଲକ ଅନ୍ତର୍ଗତ ଡୁମୁଣିଗୁଡ଼ାରେ ୩୦୦ରୁ ଊର୍ଦ୍ଧ୍ବ ପରିବାରର ବସବାସ କରନ୍ତି। ପ୍ରାୟ ୧୫୦୦ ଜନସାଧାରଣଙ୍କ ପାଇଁ ଗ୍ରାମରେ ବସୁଧା ଯୋଜନାରେ ଏକ ପାଣି ଟାଙ୍କି ନିର୍ମାଣ ହୋଇଛି। ଗତ ୧୬ ତାରିଖ ରବିବାର ଦିନ ଅପରାହ୍ନରେ ଡୁମୁଣିଗୁଡ଼ାର ଜଣେ ବ୍ୟକ୍ତି ପାଣିଟାଙ୍କି ଉପାକୁ ସିଡି ମାଧ୍ୟମରେ ଚଢ଼ି ଥିଲା। ଏହା ପରେ ସେ ପରିସ୍ରା କରିବା ସହ ପାଣି ଭିତରେ ଛେପ ପକାଇଥିଲା।

ଯୁବକଙ୍କ ଏହି ଅମାନବୀୟ କାଣ୍ଡକୁ ଗ୍ରାମର କିଛି ଲୋକେ ଦେଖିଥିଲେ। ସେହି ଦିନ ଠାରୁ ଗ୍ରାମବାସୀମାନେ ପାଣିଟାଙ୍କିର ପାଣି ବ୍ୟବହାର କରୁ ନାହାନ୍ତି। ସବୁ ପରିବାର ଲୋକ ଗ୍ରାମରେ ଥିବା ନଳକୂପରୁ ପାଣି ବ୍ୟବହାର କରୁଛନ୍ତି।

ଏ ନେଇ ଗ୍ରାମରେ ବୈଠକ କରାଯାଇ ସଂପୃକ୍ତ ବ୍ୟକ୍ତି ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସମସ୍ତେ ମତାମତ ଦେଇଛନ୍ତି। ଗ୍ରାମବାସୀ ଉକ୍ତ ବ୍ୟକ୍ତିଙ୍କୁ ବୈଠକରେ ଡାକିଥିଲେ ସୁଦ୍ଧା ସେ ଏହାକୁ ଅଣଦେଖା କରିଛନ୍ତି। 

Powered by Froala Editor