ଏହା କରନ୍ତୁ ବଢିବ ବାପା-ପୁଅଙ୍କ ସମ୍ପର୍କ
ବାପା ପୁଅ ସମ୍ପର୍କ ଅତ୍ୟନ୍ତ ନିବିଡ । କିନ୍ତୁ ଅନେକ ସମୟରେ ଛୋଟ ଛୋଟ କଥାକୁ ନେଇ ବାପା ପୁଅଙ୍କ ଭିତରେ ମତାନ୍ତର ହେଉଥିବା ଦେଖାଯାଏ । ଏହା ପଛରେ ବାସ୍ତୁ ଦୋଷ ରହୁଥିବା ଅନୁମାନ କରାଯାଏ । ବାସ୍ତୁ ଅନୁସାରେ ଘରର ଉତ୍ତର-ପୂର୍ବ ଦିଗରେ ଯଦି ଅଳିଆ ଆବର୍ଜନା ଜମା ରହୁଥିବ, ତାହେଲେ ତାହା ଗୃହରେ ନକରାତ୍ମକ ପ୍ରଭାବ ପକାଇବା ସହ ବାପା ପୁଅଙ୍କ ଭିତରେ ତିକ୍ତତା ସୃଷ୍ଟି କରିଥାଏ । ତେଣୁ ଏଥିରୁ ମୁକ୍ତି ପାଇବା ପାଇଁ ଏହି ଦିଗକୁ ସର୍ବଦା ସଫାସୁତୁରା ରଖିବା ଦରକାର ।
ବାସ୍ତୁଶାସ୍ତ୍ର ଅନୁସାରେ ଉତ୍ତର-ପୂର୍ବ କୋଣରେ କୌଣସି ଭାରି ଜିନିଷ ରଖିଲେ କିମ୍ବା ଏହି ଦିଗରେ ରୋଷେଇ ଘର ଅଥବା ଶୌଚାଳୟ ଥିଲେ, ବାପା ପୁଅଙ୍କ ସ୍ୱାସ୍ଥ୍ୟ ଉପରେ ପ୍ରତିକୂଳ ପ୍ରଭାବ ପକାଇଥାଏ । ଏହି ଦିଗରେ ମଧ୍ୟ କିଛି ଜ୍ୱଳନଶୀଳ ପଦାର୍ଥ ବା ଗରମ ଉପôନ୍ନ କରୁଥିବା କୌଣସି ଉପକରଣ ରଖିଥିଲେ, ପୁଅମାନଙ୍କ ବ୍ୟବହାର ରୁକ୍ଷ ହୋଇଥାଏ, ଯାହା ଦ୍ୱାରା ସେମାନେ ବାପାଙ୍କର କୌଣସି କଥାକୁ ବି ସହଜରେ ଗ୍ରହଣ କରି ନଥାନ୍ତି । ସେହିପରି ଯଦି ଘରର ଉତ୍ତର-ପୂର୍ବ କୋଣ ଯଦି ଅନ୍ୟ କୋଣ ତୁଳନାରେ ସାମାନ୍ୟ ଉଚ୍ଚ ହୋଇଥାଏ, ତାହେଲେ ଏହାର କୁପ୍ରଭାବ ମଧ୍ୟ ବାପା-ପୁଅଙ୍କ ସମ୍ପର୍କ ଉପରେ ପଡିଥାଏ । ତେଣୁ ଏହି ସବୁ ବିଷୟରେ ଧ୍ୟାନ ଦେବା ଉଚିତ୍ ।
Powered by Froala Editor
