ନିଜ ଚିତ୍ର ମାଧ୍ୟମରେ ମା’ ମୃତ୍ୟୁର ରାଜ୍ ଖୋଲିଲା ୪ବର୍ଷର ଝିଅ। ଉତ୍ତର ପ୍ରଦେଶ ଝାନ୍ସିର ପଞ୍ଚବଟୀ ଶିବ ପରିବାର କଲୋନୀର ଘଟଣା । ସୋମବାର ୨୭ବର୍ଷୀୟା ମହିଳାଙ୍କ ସନ୍ଦେହଜନକ ଭାବେ ମୃତ୍ୟୁ ହୋଇଥିଲା । ଯାହାକୁ ଶାଶୁଘର ଲୋକେ ଆତ୍ମହତ୍ୟା ବୋଲି କହିଥିଲେ । ହେଲେ ଝିଅର ଖୁଲାସା ସମସ୍ତଙ୍କ ଆଖି ଖୋଲି ଦେଇଥିଲା। ମୃତକଙ୍କ ନାମ ସୋନାଲି ବୁଧୋଲିଆ ବୋଲି ଜଣାପଡ଼ିଥିବା ବେଳେ ବିବାହ ପରେ ଯୌତୁକ ପାଇଁ ଚାପ ପକାଉଥିଲା ଅଭିଯୁକ୍ତ ସ୍ବାମୀ ସନ୍ଦୀପ ବୁଧୋଲିଆ। ପଚରାଉଚରା ବେଳେ ୪ବର୍ଷର ଝିଅ ଏସବୁ ଜଣାଇବା ପରେ ପୁଲିସ ପୂରା ଘଟଣା ବିଷୟରେ ଜାଣିପାରିଥିବା କୁହାଯାଉଛି।

୪ ବର୍ଷର ଝିଅ ଦର୍ଶିତା ପୁଲିସକୁ କହିଛି ଯେ ତାଙ୍କ ମାଆଙ୍କ ହତ୍ୟା ବାପା କରିଛନ୍ତି। ଏକ ସାଦା କାଗଜରେ ଚିତ୍ର ତିଆରି କରି ମୃତକଙ୍କ ଝିଅ ପୁଲିସକୁ ଜଣାଇଛି ଯେ, ମୋ ବାପା ସନ୍ଦୀପ ମା’ଙ୍କୁ ହତ୍ୟା କରିଛନ୍ତି। ବାପା ପ୍ରାୟତଃ ମା’ଙ୍କୁ ମାଡ଼ ମାରୁଥିଲେ। ଗୋଟିଏ ଦିନ ସେ ମାଆଙ୍କୁ ସିଡ଼ିରୁ ତଳକୁ ଠେଲି ଦେଇଥିଲେ। ହତ୍ୟା କରିବା ଦିନ ମା’ଙ୍କୁ ବହୁତ ମାଡ଼ ମାରିବା ପରେ ତାଙ୍କ ବେକରେ ରଶି ଲଗାଇ ତାଙ୍କୁ ହତ୍ୟା କରିଥିଲେ। ଏହା ପରେ ଏକ ଅଖାରେ ଭର୍ତ୍ତି କରି ଫିଙ୍ଗି ଦେଇଥିଲେ। ଏସବୁ କରି ସେ ତାଙ୍କ ବନ୍ଧୁମାନଙ୍କ ସହିତ ବାହାରକୁ ଚାଲିଯାଇଥିଲେ।

ସୋନାଲିଙ୍କ ବାପା ସଞ୍ଜୀବ ତ୍ରିପାଠୀ ଅଭିଯୋଗ କରିଛନ୍ତି ଯେ, ୨୦୧୯ରେ ସନ୍ଦିପ ସୋନାଲିଙ୍କ ବାହାଘର ହୋଇଥିଲା । ସନ୍ଦିପ ପେଶାରେ ଜଣେ ମେଡିସିନ୍ ରିପ୍ରେଜିଣ୍ଟେଟର ।ବାହାଘରବେଳେ ଯୌତୁକ ବାବଦକୁ ୨୦ ଲକ୍ଷ ଟଙ୍କା ଦେଇଥିଲେ ସଞ୍ଜୀବ । ବାହାଘର ପରେ ସନ୍ଦିପଙ୍କ ଘର ଲୋକଙ୍କ ଆବଶ୍ୟତା ବଢ଼ି ଚାଲିଥିଲା । ସେମାନେ କାର୍ ପାଇଁ ସବୁବେଳେ ଦାବି କରୁଥିଲେ । କିନ୍ତୁ ସଞ୍ଜୀବ କାର୍ ଦେବା ଲାଗି ସକ୍ଷମ ନୁହନ୍ତି ବୋଲି କହିଥିଲେ । ଏହାପରଠାରୁ ସୋନାଲିଙ୍କ ଉପରେ ଶାଶୁଘରର ନିର୍ଯାତନା ବଢ଼ିଚାଲିଥି ।

ପୁଲିସ‌ରେ ଅଭିଯୋଗ କରିବାରୁ ଦୁଇ ପକ୍ଷ ମଧ୍ୟରେ ଆପୋଷ ସମାଧାନ ହୋଇଥିଲା। ହେଲେ ଦର୍ଶିତା ଜନ୍ମ ହେବା ପରେ ସେମାନେ ଅଧିକ ନିର୍ଯ୍ୟାତନା ଦେବା ଆରମ୍ଭ କରିଥିଲେ, କାରଣ ସେମାନଙ୍କୁ ପୁଅ ଦରକାର ଥିଲା।"

Powered by Froala Editor