ପଞ୍ଚାକ୍ଷରୀ ସ୍ବାମୀ (୩୭) ନାମକ ଜଣେ ଯୁବକ ଲୋକଙ୍କୁ ଲୁଟିିଥିବା ଟଙ୍କାରେ ଅଭିନେତ୍ରୀ ଗର୍ଲଫ୍ରେଣ୍ଡଙ୍କ ପାଇଁ କୋଲାକାତାରେ ବିଳାସପୂର୍ଣ୍ଣ ଘର ନିର୍ମାଣ କରିଛନ୍ତି। ଏହି ଘରର ମୂଲ୍ୟ ୩ କୋଟି ଟଙ୍କା। ତେବେ ପଞ୍ଚାକ୍ଷରୀ ପୋଲିସ ହାତରେ ଧରାପଡି ବର୍ତ୍ତମାନ ଅଭିଯୁକ୍ତ ଜେଲର ଚକି ପେଶୁଛି। ୩୭ ବର୍ଷର ପଞ୍ଚାକ୍ଷରୀ ସ୍ବାମୀ ମହାରାଷ୍ଟ୍ରର ସୋଲାପୁର ଅଞ୍ଚଳର ଅଟେ। ସେ ବିବାହିତ ଓ ତାର ଛୁଆ ରହିଥିଲେ ମଧ୍ୟ ଅନ୍ୟ ମହିଳାଙ୍କ ସହ ତାର ସମ୍ପର୍କ ଥାଏ। ପଞ୍ଚାକ୍ଷରୀ ମହାରାଷ୍ଟ୍ର, ଗୁଜରାଟ ଏବଂ କର୍ନାଟକରେ ବର୍ଷେ ଧରି ଚୋରି, ଡକାୟତି, ଲୁଟ୍‌ ଭଳି ବିଭିନ୍ନ ଆପରାଧିକ କାର୍ଯ୍ୟକଳାପରେ ଲିପ୍ତ ଥିଲେ।

ସେ ୨୦୦୩ରେ ନାବାଳକ ଥିବା ସମୟରେ ଚୋରି କରିବା ଆରମ୍ଭ କରିଥିଲେ। ୨୦୦୯ ସୁଦ୍ଧା ପଞ୍ଚାକ୍ଷରୀ ଜଣେ ପେସାଦାର ଚୋର ଭାବେ ପରିଣତ ହୋଇଯାଇଥିଲେ। ପଞ୍ଚାକ୍ଷରୀ ପୋଲିସକୁ କହିଛନ୍ତି, ସେ ୨୦୧୪-୧୫ରେ ଜଣେ ପ୍ରସିଦ୍ଧ ଅଭିନେତ୍ରୀଙ୍କ ସମ୍ପର୍କରେ ଆସିଥିଲେ। ତାଙ୍କ ସହ ପଞ୍ଚାକ୍ଷରୀଙ୍କର ପ୍ରେମ ସମ୍ପର୍କ ସ୍ଥାପନ ହୋଇଥିଲା। ଉଭୟ ପରସ୍ପରକୁ ଡେଟିଂ କରିବା ସହ ରିଲେଶନ୍‌ଶିପ୍‌ରେ ମଧ୍ୟ ରହିଥିଲେ। ସେ ଉକ୍ତ ଅଭିନେତ୍ରୀଙ୍କ ପାଇଁ ବହୁ କୋଟି ଟଙ୍କା ଖର୍ଚ୍ଚ କରିଛନ୍ତି ବୋଲି ସ୍ବୀକାର କରିଛନ୍ତି। ସେ କୋଲକାତାରେ ୩ କୋଟି ଟଙ୍କା ମୂଲ୍ୟର ଏକ ଘର ନିର୍ମାଣ କରି ଉକ୍ତ ଅଭିନେତ୍ରୀଙ୍କୁ ଉପହାରରେ ଦେଇଥିଲେ। ସେହିପରି ଗର୍ଲଫ୍ରେଣ୍ଡଙ୍କୁ ୨୨ ଲକ୍ଷ ଟଙ୍କା ମୂଲ୍ୟର ଏକ ଆକ୍ୱାରିଅମ ମଧ୍ୟ ଗିଫ୍ଟରେ ଦେଇଥିଲେ ବୋଲି ପଞ୍ଚାକ୍ଷରୀ ଜେରା ସମୟରେ ପୋଲିସକୁ କହିଛନ୍ତି।

୨୦୧୬ରେ ସ୍ବାମୀ ପ୍ରଥମ ଥର ଗୁଜରାଟ ପୋଲିସ ଦ୍ବାରା ଗିରଫ ହୋଇଥିବା ବେଳେ ୬ ବର୍ଷ ଜେଲରେ ରହିଥିଲ। ପରେ ମହାରାଷ୍ଟ୍ରରେ ସମାନ ଏକ ମାମଲାରେ ଗିରଫ ହୋଇଥିଲା। ୨୦୨୪ରେ ଜେଲରୁ ମୁକୁଳିବା ପରେ ସେ ବେଙ୍ଗାଲୁରୁକୁ ସିଫ୍ଟ କରିଥିଲା। ଜାନୁଆରୀ ୯ ତାରିଖରେ ବେଙ୍ଗାଲୁରୁର ମଦିଭାଲା ମାର୍କେଟରୁ ଚୋରି କରି ଧରା ପଡିଥିଲା। ପୋଲିସ ତା ନିକଟରୁ ଏକ ଲୁହା ରଡ, ସୁନା ତରଳାଇବାରେ ବ୍ୟବହୃତ ଫାୟାର ଗନ ଉଦ୍ଧାର କରିଥିଲା। ଏହା ସହିତ ୧୮୧ ଗ୍ରାମର ସୁନା ବିସ୍କୁଟ ଓ ୩୩୩ ଗ୍ରାମର ରୂପା ଉଦ୍ଧାର କରାଯାଇଥିଲା।

Powered by Froala Editor