ଆମେରିକା-ଇରାନ ଯୁଦ୍ଧ ଯୋଗୁଁ ପୂର୍ବରୁ ହର୍ମୁଜ୍ ପ୍ରଣାଳୀ ଦେଇ ତେଲ ଯୋଗାଣ ଅବରୋଧ ହୋଇଥିବାବେଳେ ଏବେ ବାବ୍ ଏଲ୍-ମାଣ୍ଡେବ ପ୍ରଣାଳୀରେ ସମାନ ସ୍ଥିତି ସୃଷ୍ଟି ହୋଇଛି। ୟେମେନର ହୁତିମାନେ ଲୋହିତ ସାଗର ଉପକୂଳରେ ସାଉଦି ଉପରେ ଆକ୍ରମଣ କରିବା ପରେ ବାବ୍ ଏଲ୍-ମାଣ୍ଡେବ ଦେଇ ଜାହାଜ ଯାତାୟାତ ହ୍ରାସ ପାଇଛି । କେପ୍ଲର ଜାହାଜ ଟ୍ରାକିଂ ତଥ୍ୟରୁ ଏହା ଜଣାପଡ଼ିଛି।

ତଥ୍ୟ ଦର୍ଶାଉଛି ଯେ, ରବିବାର ଦିନ ଏଗାରଟି ପଣ୍ୟ ଜାହାଜ ବାବ୍ ଏଲ୍-ମାଣ୍ଡେବ ପ୍ରଣାଳୀ ଦେଇ ଚଳାଚଳ କରିଛି। ବାବ୍ ଏଲ୍-ମାଣ୍ଡେବ ଦେଇ ଯାଇଥିବା ଜାହାଜଗୁଡ଼ିକ ମଧ୍ୟରୁ ସାତଟି ତେଲ ଟ୍ୟାଙ୍କର୍ ଥିଲା, ସେମାନଙ୍କ ମଧ୍ୟରୁ ତିନୋଟି ଲୋହିତଶ କରିଥିଲା। ଦୁଇଟି ବଡ଼ ଅଶୋଧିତ ବାହକ (ଭିଏଲସିସି)ସାଉଦି ଅଶୋଧିତ ତେଲ ଲୋଡ୍ କରିବା ପାଇଁ ୟାନବୁ ବନ୍ଦରକୁ ଯାଉଥିବାବେଳେ ତୃତୀୟଟି ଏକ ରୁଷ ସହ କାରାବାର କରୁଥିବା ଜାହାଜ ବୋଲି ତଥ୍ୟ ଦର୍ଶାଉଛି।

ତଥ୍ୟ ଅନୁଯାୟୀ, ଲୋହିତ ସାଗରରୁ ବାହାରିଥିବା ଚାରୋଟି ଜାହାଜ ମଧ୍ୟରେ ହଂକଂ ପତାକାଯୁକ୍ତ ଭିଏଲସିସି ନ୍ୟୁ ଏକ୍ସପ୍ଲୋରର ଥିଲା ଯାହା ପୂର୍ବ ଚୀନ୍‌ର ନିଙ୍ଗବୋ ବନ୍ଦର ପାଇଁ ୨ ନିୟୁତ ବ୍ୟାରେଲ ସାଉଦି ଏବଂ ଏମିରାତି ଅଶୋଧିତ ତୈଳ ବହନ କରିଥିଲା, ଚୀନ୍ ପାଇଁ ୧ ନିୟୁତ ବ୍ୟାରେଲ ରୁଷୀୟ ଅଶୋଧିତ ତୈଳ ବହନ କରୁଥିବା ଏକ ଟ୍ୟାଙ୍କର ଏବଂ ପାକିସ୍ତାନ ପାଇଁ ପ୍ରାୟ ୭୫୦ ହଜାର ବ୍ୟାରେଲ ସାଉଦି ଅଶୋଧିତ ତୈଳ ବହନ କରୁଥିବା ଏକ ଟ୍ୟାଙ୍କର ଥିଲା।

Powered by Froala Editor