ନିଟ୍ ଛାତ୍ରୀଙ୍କ ଫାଶୀ ଲଗାଇ ଆତ୍ମହତ୍ୟା
ମହରାଷ୍ଟ୍ରର ଅହିଲ୍ୟାନଗର ଜିଲାର କର୍ଜତ ତାଲୁକା ଅନ୍ତର୍ଗତ ଜଲାଲପୁର ଗ୍ରାମରେ ରହୁଥିବା ଛାତ୍ରୀ ଅଙ୍କିତା ସାଙ୍ଗଲେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। NEET ପରୀକ୍ଷାରେ ଆଶାନୁରୂପ ନମ୍ବର ନ ମିଳିବାରୁ ସେ ଗତ କିଛି ସମୟ ଧରି ପ୍ରବଳ ମାନସିକ ଚାପରେ ଥିଲେ। ରବିବାର ସନ୍ଧ୍ୟାରେ ଯେତେବେଳେ ସେ ତାଙ୍କ ପଢିବା କୋଠରୀରୁ ବହୁତ ସମୟ ପର୍ଯ୍ୟନ୍ତ ବାହାରକୁ ଆସିନଥିଲେ, ସେତେବେଳେ ଘର ଲୋକେ କବାଟ ଖୋଲି ଦେଖିଥିଲେ ଯେ ସେ ଫାଶୀ ଲଗାଇ ଦେଇଛନ୍ତି। ଘଟଣା ସମ୍ପର୍କରେ ଜଣାପଡିବା ପରେ ପରିବାରରେ ଶୋକର ଛାୟା ଖେଳିଯାଇଥିଲା। ତୁରନ୍ତ ସ୍ଥାନୀୟ ପୋଲିସ ପ୍ରଶାସନକୁ ମାମଲା ସମ୍ପର୍କରେ ସୂଚନା ଦିଆଯାଇଥିଲା।
ମୃତକାଙ୍କ ପିଉସୀ ଝିଅ ମଧ୍ୟ ଗଣମାଧ୍ୟମକୁ କହିଛନ୍ତି ଯେ ଅଙ୍କିତା ପରୀକ୍ଷା ଫଳକୁ ନେଇ ବେଶ ଚିନ୍ତିତ ଥିଲେ। ଅଙ୍କିତାଙ୍କ ପରିବାର ଲୋକେ ତାଙ୍କୁ ପଢିବା ପାଇଁ ଏକ ସ୍ବତନ୍ତ୍ର କୋଠରୀ ଦେଇଥିଲେ, ଯେପରି ସେ ଶାନ୍ତ ପରିବେଶରେ ପ୍ରସ୍ତୁତି କରିପାରିବେ। ପରୀକ୍ଷାରେ ଆଶାନୁରୂପ ନମ୍ବର ନ ମିଳିବାରୁ ସେ ଗତ କିଛି ସମୟ ଧରି ପ୍ରବଳ ମାନସିକ ଚାପରେ ଥିଲେ।
ଅନ୍ନା ସାଙ୍ଗଲେଙ୍କଠାରୁ ମିଳିଥିବା ସୂଚନା ଏବଂ ଅଭିଯୋଗ ଆଧାରରେ ପୋଲିସ ଥାନାରେ ଏକ ଦୁର୍ଘଟଣାରୁ ମୃତ୍ୟୁ ମାମଲା ରୁଜୁ କରାଯାଇଛି।
Powered by Froala Editor
