ରାଜ୍ୟରେ କମୁଛି କରୋନା ସଂକ୍ରମଣ
ଭୁବନେଶ୍ଵର : ରାଜ୍ୟରେ କରୋନା ସ୍ଥିତି ନେଇ ପ୍ରତିକ୍ରିୟା ରଖିଲେ ଡିଏମଇଟି ସିବିକେ ମହାନ୍ତୀ। ସେ କହିଛନ୍ତି ଯେ, ରାଜ୍ୟରେ କରୋନା ସଂକ୍ରମଣ କମୁଛି, ଆଗକୁ ଆହୁରି କମିବ। ମହାମାରୀ ସଂକ୍ରମଣ ସମ୍ପୂର୍ଣ୍ଣ ଭାବେ ମୂଳପୋଛ ହୁଏ ନାହିଁ। କିଛି ଜିଲ୍ଲାରେ ସଂକ୍ରମଣ ଅଧିକ ରହିଛି। ସେହି ସବୁ ଜିଲ୍ଲାରେ ସଂକ୍ରମଣ ଧୀରେଧୀରେ କମିବ ବୋଲି କହିଛନ୍ତି ଡିଏମଇଟି।
ଡିଏମଇଟି ପୁଣି କହିଛନ୍ତି ଯେ, ରାଜ୍ୟରେ କରୋନା ସଂକ୍ରମଣ ସ୍ଥିତି ପରଖିବାକୁ କେନ୍ଦ୍ରୀୟ ଟିମ୍ ଓଡ଼ିଶା ଆସୁଛନ୍ତି। କେନ୍ଦ୍ର ସରକାର ତାଙ୍କୁ ପଠାଇଛନ୍ତି। ସେମାନଙ୍କର ଯାହା ତଥ୍ୟ ଦରକାର ଯୋଗେଇ ଦେବୁ। ସେମାନେ ବୈଷୟିକ ଦିଗ ଦେଖିବେ। ରୋଗୀ ସଂକ୍ରମଣ ହେବା ପରେ ମୃତ୍ୟୁ ପର୍ୟ୍ୟନ୍ତ ଏହି ଗ୍ୟାପ୍ ରହୁଛି। ଧୀରେ ଧୀରେ ମୃତ୍ୟୁ ସଂଖ୍ୟା କମିବ ବୋଲି ଡିଏମଇଟି ସିବିକେ ମହାନ୍ତି ସୂଚନା ଦେଇଛନ୍ତି।
Powered by Froala Editor
