ହିଂସା ବଢ଼ିଲା, ଗୁଳି ମରାମରି ହେଲେ ବିଧାୟକ ଓ ପୂର୍ବତନ ବିଧାୟକ
ପରସ୍ପର ହିଂସାରେ ଜଳୁଥିଲେ । ଶେଷରେ କ୍ରୋଧ ଓ ହିଂସା ଏତେ ମାତ୍ରାରେ ବଢିଯାଇଥିଲା ଯେ, ଗୁଳି ଚଳାଇଥିଲେ ବିଧାୟକ ଓ ପୂର୍ବତନ ବିଧାୟକ ।
ରବିବାର ଦିନ ଉତ୍ତରାଖଣ୍ଡର ରୁରକିରେ ପୂର୍ବତନ ବିଜେପି ବିଧାୟକ କୁନୱର ପ୍ରଣବ ସିଂହ ଚାମ୍ପିଅନ ଏବଂ ସ୍ୱାଧୀନ ବିଧାୟକ ଉମେଶ କୁମାରଙ୍କ ମଧ୍ୟରେ ଏହି ବିବାଦ ଦେଖିବାକୁ ମିଳିଛି। ପୂର୍ବତନ ବିଧାୟକ ଓ ବିଧାୟକ ଉଭୟ ପରସ୍ପରଙ୍କୁ ପଥର ପିଙ୍ଗିବା ସହ ଗୁଳି ଚାଳନା କରିଥିଲେ। ଏବେ ହିଂସାକାଣ୍ଡ ଅଭିଯୋଗରେ ୨ ଜଣଙ୍କୁ ଗିରଫ କରାଯାଇଛି। ସେହି ସମୟର ଏକ ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଜୋର୍ରେ ଭାଇରାଲ୍ ହେବାରେ ଲାଗିଛି।
ଭିଡିଓରେ ଦେଖାଯାଇଛି ଯେ ଚାମ୍ପିଅନ ତାଙ୍କ ସମର୍ଥକମାନଙ୍କ ସହିତ କୁମାରଙ୍କ କାର୍ଯ୍ୟାଳୟରେ ଅନେକ ଗୁଳି ଚଳାଇଛନ୍ତି। କିଛି ସମୟ ପରେ କୁମାର ମଧ୍ୟ ତାଙ୍କ ସମର୍ଥକମାନଙ୍କ ସହିତ ଚାମ୍ପିଅନଙ୍କ କାର୍ଯ୍ୟାଳୟ ଉପରେ ଗୁଳି ଚଳାଇଥିଲେ।
ଉଭୟ ପରସ୍ପର ବିରୋଧରେ ଅଭିଯୋଗ ଦାଖଲ କରିବା ପରେ ଉଭୟ ରାଜନେତାଙ୍କୁ ଗିରଫ କରାଯାଇଥିଲା। ଦୁଇ ରାଜନେତାଙ୍କ ମଧ୍ୟରେ ଅନେକ ଦିନ ହେବ ବିବାଦ ଲାଗି ରହିଛି। ପ୍ରାୟତଃ ସୋସିଆଲ ମିଡିଆ ପ୍ଲାଟଫର୍ମରେ ପରସ୍ପର ବିରୋଧୀ ପୋଷ୍ଟ୍ କରୁଥିବାର ଦେଖିବାକୁ ମିଳିଥାଏ।
Powered by Froala Editor
