ରାଫେଲ୍ ଡିଲ୍ର ବିଭାଗୀୟ ତଦନ୍ତ କରିବାକୁ ବିଚାରପତି ନିଯୁକ୍ତ କଲେ ଫ୍ରାନ୍ସ ସରକାର
ରାଫେଲ୍ ଡିଲ୍ର ବିଭାଗୀୟ ତଦନ୍ତ କରିବାକୁ ଫ୍ରାନ୍ସ ସରକାର ନିଷ୍ପତ୍ତି ନେଇଛନ୍ତି। ଫ୍ରାନ୍ସର ଏକ ଗଣମାଧ୍ୟମରେ ଏଭଳି ଖବର ପ୍ରକାଶ ପାଇଛି। ଫ୍ରାନ୍ସର ଜଣେ ବିଚାରପତି ତଦନ୍ତ ପାଇଁ ନିଯୁକ୍ତ ହୋଇଥିବା ସୂଚନା ରହିଛି।
‘ଡାସୋ’ ନିର୍ମିତ ୩୬ଟି ଲଢୁଆ ବିମାନ ଖରିଦ କରିବା ଲାଗି ୨୦୧୬ରେ ଭାରତ ସହ ହୋଇଥିବା ରାଫେଲ୍ ରାଜିନାମାରେ ‘ଦୁର୍ନୀତି ଏବଂ ପକ୍ଷପାତ’ ହୋଇଛି ବୋଲି ଅଭିଯୋଗ ଉଠିଥିଲା । ଯଦିଓ ଭାରତର ସର୍ବୋଚ୍ଚ କୋର୍ଟ ଏହାକୁ ନେଇ ତାଙ୍କ ସରକାରଙ୍କୁ କ୍ଲିନଚିଟ୍ ଦେଇ ସାରିଛନ୍ତି କିନ୍ତୁ ଫ୍ରାନ୍ସରେ ନିକଟରେ ଏହି ଚୁକ୍ତିରେ ଦୁର୍ନୀତି ହୋଇଥିବା ଅଭିଯୋଗ ହୋଇଥିଲା। ଏହା ପରେ ଫ୍ରାନ୍ସ୍ ତଦନ୍ତ ଆରମ୍ଭ କରିଛି। ଭାରତୀୟ ମୁଦ୍ରା ହିସାବରେ ପ୍ରାୟ ୫୯,୦୦୦ କୋଟି ଟଙ୍କାର ଏହି ଚୁକ୍ତିର ବିଚାର ବିଭାଗୀୟ ତଦନ୍ତର ନେତୃତ୍ବ ନେବା ଲାଗି ଜଣେ ଫରାସୀ ବିଚାରପତିଙ୍କୁ ନିଯୁକ୍ତ କରାଯାଇଛି। ଜୁନ୍ ୧୪ ତାରିଖରେ ଔପଚାରିକ ଭାବେ ଏହି ତଦନ୍ତ ଆରମ୍ଭ ହୋଇଛି। କିନ୍ତୁ, ଏହି ତଦନ୍ତ ସଂକ୍ରାନ୍ତରେ ‘ଡାସୋ ଏଭିଏସନ୍’ କୌଣସି ପ୍ରତିକ୍ରିୟା ପ୍ରକାଶ କରିନାହିଁ। ଏହି ରାଜିନାମାରେ କୌଣସି ଦୁର୍ନୀତି ହୋଇ ନାହିଁ ବୋଲି ପୂର୍ବରୁ ‘ଡାସୋ’ କହିଥିଲା।
Powered by Froala Editor