ସାଉଥ୍ ଇଣ୍ଡଷ୍ଟ୍ରିର ପପୁଲାର ଅଭିନେତ୍ରୀ କୀର୍ତ୍ତି ସୁରେଶ ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ସେ ନିଜ ଦୀର୍ଘ ଦିନର ବୟଫ୍ରେଣ୍ଡ ଆଣ୍ଟୋନି ଥାଟିଲଙ୍କ ହାତ ଧରିଛନ୍ତି । ତେବେ ବିବାହ ପରେ ସେ କୁଆଡେ ଇଣ୍ଡଷ୍ଟ୍ରି ଛାଡିିବେ ବୋଲି ଚର୍ଚ୍ଚା ହେଉଛି । କୀର୍ତ୍ତି ସୁରେଶ ଫିଲ୍ମ ଇଣ୍ଡଷ୍ଟ୍ରିରୁ ବିଦାୟ ନେବାକୁ ଯାଉଥିବା ଖବର ନେଇ ପ୍ରଶଂସକଙ୍କ ମଧ୍ୟରେ ନାନା କଳ୍ପନାଜଳ୍ପନା ଜାରି ରହିଛି। ତେବେ ଅଭିନେତ୍ରୀଙ୍କ  ପକ୍ଷରୁ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ।

ବିବାହ ପରେ କୀର୍ତ୍ତି ସୁରେଶ କାମକୁ ଫେରିଥିଲେ। ବର୍ତ୍ତମାନ କୀର୍ତ୍ତି ବଲିଉଡ ଡେବ୍ୟୁ ଚଳଚ୍ଚିତ୍ର ବେବି ଜନ୍ ପାଇଁ ଚର୍ଚ୍ଚାରେ ଅଛନ୍ତି। ସେ ଏହି ଚଳଚ୍ଚିତ୍ରରେ ବରୁଣ ଧାୱନଙ୍କ ସହ ନଜର ଆସିବେ। ଏହି ଚଳଚ୍ଚିତ୍ରରେ ଜ୍ୟାକି ଶ୍ରଫ୍ ଏବଂ ଭାମିକା ଗାବି ମଧ୍ୟ ଅଛନ୍ତି। ସେ ବେବି ଜନ୍ ଫିଲ୍ମର ଜୋରଦାର ପ୍ରମୋସନ କରିଥିଲେ। ଏଥିରୁ ତାଙ୍କର ଉଦ୍ଦେଶ୍ୟ ସ୍ପଷ୍ଟ ମନେ ହେଉଛି ଯେ ସେ ବିବାହ ପରେ ମଧ୍ୟ ନିଜ କାମ ଛାଡିବେ ନାହିଁ। ମାତ୍ର ଏବେ ଆଲୋଚନା ହେବାରେ ଲାଗିଛି ଯେ,‌ ସେ ଫିଲ୍ମ ଇଣ୍ଡଷ୍ଟ୍ରି ଛାଡିବାକୁ ଯାଉଛନ୍ତି।

ବିବାହ ପରେ କୀର୍ତ୍ତି ସୁରେଶଙ୍କ ଫଟୋ ମଧ୍ୟ ଭାଇରାଲ ହୋଇଥିଲା। ତାଙ୍କ ବିବାହକୁ ନେଇ ସୋସିଆଲ ମିଡିଆରେ ଅନେକ ଆଲୋଚନା ହୋଇଥିଲା।

Powered by Froala Editor