କୁକୁର ଛୁଆଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇଦେଲେ ମହିଳା
ଲକ୍ଷ୍ନୌ: ଉତ୍ତର ପ୍ରଦେଶର ମିରଟ ସହରରେ ଜୁଇଜଣ ମହିଳା ୫ଟି ବୁଲା କୁକୁର ଛୁଆକୁ ଜିଅନ୍ତା ପୋଡି ମାରିଦେଇଥିବା ଅଭିଯୋଗ ହୋଇଛି। ସହରର କାଙ୍କେରଖେଡା ଅଞ୍ଚଳରେ ଏହି ଘଟଣା ଘଟିଛି। କୁକୁର ଛୁଆଗୁଡିକ ଦିନରାତି ଭୁକିବା ଫଳରେ ସେଠାରେ ବାସ କରୁଥିବା ଶୋଭା ଓ ଆରତି ନାମ୍ନୀ ଦୁଇ ମହିଳା ଅତିଷ୍ଠ ହୋଇପଡିଥିଲେ। ସ୍ଥିତି ଅସହ୍ୟ ହେବାପରେ ଶୁକ୍ରବାର ଏହି ଦୁଇ ମହିଳା କୁକୁର ଛୁଆଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ। ସ୍ଥାନୀୟ ବାସିନ୍ଦା ଏହାର ପ୍ରତିବାଦ କରିବାରୁ ଦୁଇ ମହିଳା ସେମାନଙ୍କୁ ଅଶ୍ରାବ୍ୟ ଭଷାରେ ଗାଳି ଗୁଲଜ କରିଥିଲେ। ଆନିମଲ କେୟାର ସୋସାଇଟିର ସମ୍ପାଦକ ଅଂଶୁମାଳି ବଶିଷ୍ଠଙ୍କ ଏତଲାକୁ ଆଧାର କରି ପୁଲିସ ‘ପ୍ରିଭେନସନ ଅଫ୍ କ୍ରୁଏଲଟିଜ୍ ଟୁ ଆନିମଲ୍ସ ଆଇନ’ର ଧାରା ୩୨୫ ଅନୁଯାୟୀ ଏହି ଦୁଇ ମହିଳାଙ୍କ ବିରୋଧରେ ମାମଲା ରୁଜୁ କରିଥିବା ଜଣାପଡିଛି।
Powered by Froala Editor
