ଆତ୍ମହତ୍ୟା ଉଦ୍ୟମ ବେଳେ ଅଳ୍ପକେ ବର୍ତ୍ତିଲେ ମଦ୍ୟପ ଯୁବକ
ଧାମରା: ଧାମରାରେ ଅଭାବନୀୟ ଘଟଣା ଦେଖିବାକୁ ମିଳିଛି। ୧୩୨ କେଭି ଟାଓ୍ବାରରେ ଚଢି ଆତ୍ମହତ୍ୟା ଉଦ୍ୟମ ବେଳେ ଅଳ୍ପକେ ବର୍ତ୍ତିଲେ ମଦ୍ୟପ ଯୁବକ। ବ୍ୟକ୍ତି ଜଣକ ପଶ୍ଚିମବଙ୍ଗ ପୁରୁଲିଆ ଅଞ୍ଚଳର ବାମପଦ ଗୋପେ ବୋଲି ଜଣାପଡିଛି। ସମ୍ପୃକ୍ତ ଯୁବକ ମଦ ପିଇ ନିଶାଶକ୍ତ ଅବସ୍ଥାରେ ଏକ ୧୩୨ କେଭି ଟାୱାର ଲାଇନ କୁ ଚଢିଯାଇଥିଲା। ଦେଖଣାହାରୀ ତାକୁ ତଳକୁ ଓହ୍ଲାଇବାକୁ କହୁଥିବା ବେଳେ ସମ୍ପୃକ୍ତ ଯୁବକ ଜଣକ ୧୩୨ କେଭି ତାରକୁ ଧରିଥିଲା। ଫଳରେ ସମ୍ପୃକ୍ତ ଯୁବକ ଙ୍କ ଦେହରେ ନିଆଁ ଲାଗିଯାଇଥିଲା। ଭାଗ୍ୟବଶତଃ ସମ୍ପୃକ୍ତ ଯୁବକ ଟାୱାର ଖୁଣ୍ଟ ରୁ ଖସି ପଡିଥିଲା। ସ୍ଥାନୀୟ ଲୋକେ ତାକୁ ଉଦ୍ଧାର କରି ଆଦାନୀ ସ୍ୱାସ୍ଥ୍ୟ କେନ୍ଦ୍ର କୁ ନେଇ ପ୍ରାଥମିକ ଚିକିତ୍ସା କରାଇବା ପରେ କଟକ ବଡ଼ ମେଡିକାଲ କୁ ସ୍ଥାନାନ୍ତରିତ କରିଛନ୍ତି।
Powered by Froala Editor
