ବଦଳିବ ସରକାରୀ କୋଠା ରଙ୍ଗ: ଅରେଞ୍ଜ ସହ ରହିବ ରେଡ୍ ଶେଡ୍ ବର୍ଡର
ଏଣିକି ରାଜ୍ୟରେ ସରକାରୀ କୋଠା କାନ୍ଥ କମଳା ରଙ୍ଗ ହେବ। ପୁରୁଣା କୋଠାଗୁଡ଼ିକର ମରାମତି ବା ନବୀକରଣ ବେଳେ ରଙ୍ଗ ବଦଳିବ। ରାଜ୍ୟ ସରକାରଙ୍କ ପୂର୍ତ୍ତ ବିଭାଗ ପକ୍ଷରୁ ଇଆଇସି (ସିଭିଲ-କମ୍-ରୋଡ୍ସ), ଇଆଇସି (ଡିପିକ୍ୟୁ), ଓବି ଆଣ୍ଡ ସିସି ଏଲ୍ଟିଡି ଇଆଇସି ତଥା ଏମ୍ଡିଙ୍କୁ ଏନେଇ ଚିଠି କରାଯାଇଛି। ଏହା ସହିତ ପୂର୍ତ୍ତ ବିଭାଗ ଅଧୀନରେ କାର୍ଯ୍ୟ କରୁଥିବା ସମସ୍ତ ମୁଖ୍ୟ ଯନ୍ତ୍ରୀମାନଙ୍କୁ ଏନେଇ ଚିଠି କରାଯାଇଛି ।
ସମସ୍ତ ନୂତନ ସରକାରୀ କୋଠା ଏବଂ ପର୍ଯ୍ୟାୟକ୍ରମେ ସରକାରୀ କୋଠାର ମରାମତି / ନବୀକରଣ କାର୍ଯ୍ୟ ସମୟରେ ନୂତନ ରଙ୍ଗ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି। ସରକାରଙ୍କ ସମସ୍ତ ନୂଆ କୋଠାର ବାହାର ପଟର ରଙ୍ଗ ଅରେଞ୍ଜ ଶେଡ୍ ହେବ। ସେଥିରେ ରେଡ୍ ଶେଡ୍ର ବର୍ଡର ରହିବ।
ସୂଚନାଯୋଗ୍ୟ ଯେ ନିକଟରେ ସରକାରୀର ଵିଦ୍ୟାଳୟର ଛାତ୍ରଛାତ୍ରୀଙ୍କ ୟୁନିଫର୍ମ ରଙ୍ଗ ମଧ୍ୟ ବଦଳାଇବାକୁ ନିଷ୍ପତ୍ତି ନେଇଥିଲେ।
Powered by Froala Editor
