IPS ମନୋଜ କୁମାର ବର୍ମା କୋଲକାତାର ନୂଆ ପୋଲିସ କମିଶନର
ଟ୍ରେନିଂ ଡାକ୍ତରଙ୍କ ବଳାତ୍କାର ଓ ହତ୍ୟାକୁ ବିରୋଧ କରୁଥିବା ଜୁନିୟର ଡାକ୍ତରଙ୍କ ସହ ସାକ୍ଷାତ କରିବା ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ପୁଲିସ କମିଶନର ବିନୀତ ଗୋଏଲଙ୍କୁ ହଟାଇଥିଲେ। ଗୋଏଲଙ୍କୁ ତାଙ୍କ ପଦବୀରୁ ହଟାଇବାର କରିବାର ଗୋଟିଏ ଦିନ ପରେ ଆଇପିଏସ ଅଧିକାରୀ ମନୋଜ କୁମାର ବର୍ମାଙ୍କୁ ନୂତନ କୋଲକାତା ପୋଲିସ କମିଶନର ଭାବେ ନିଯୁକ୍ତ କରିଛନ୍ତି।
1998 ବ୍ୟାଚର ମନୋଜ ବର୍ମା ପଶ୍ଚିମବଙ୍ଗ ପୋଲିସରେ ଅତିରିକ୍ତ ମହାନିର୍ଦ୍ଦେଶକ (ADG) ଭାବରେ ପୋଷ୍ଟ କରାଯାଇଥିଲା। ସେ ଏହା ପୂର୍ବରୁ ବାରାକପୋରାର ପୋଲିସ କମିଶନର ତଥା ସୁରକ୍ଷା ନିର୍ଦ୍ଦେଶାଳୟରେ ଅତିରିକ୍ତ ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ। ବର୍ତ୍ତମାନ ସେ କୋଲକାତାର ପୋଲିସ କମିଶନର ହୋଇଛନ୍ତି।
ଗୋୟଲଙ୍କୁ ପଶ୍ଚିମବଙ୍ଗ ପୋଲିସର ସ୍ୱତନ୍ତ୍ର ଟାସ୍କ ଫୋର୍ସ (ଏସଟିଏଫ) ର ଇନ୍ସପେକ୍ଟର ଜେନେରାଲ (ଆଇଜିପି) ଭାବରେ ନିଯୁକ୍ତ କରାଯାଇଛି।
ସେପ୍ଟେମ୍ବର ୧୦ ରୁ ରାଜ୍ୟ ସ୍ୱାସ୍ଥ୍ୟ ମୁଖ୍ୟାଳୟ ସ୍ୱାସ୍ଥ୍ୟ ଭବନ ବାହାରେ ବିକ୍ଷୋଭ ପ୍ରଦର୍ଶନ କରିଥିବା ଜୁନିଅର ଡାକ୍ତରମାନେ ତାଲିମପ୍ରାପ୍ତ ଡାକ୍ତରଙ୍କ ବଳାତ୍କାର ଓ ହତ୍ୟା ମାମଲାରେ ଗୋୟଲଙ୍କୁ ହଟାଇବାକୁ ଦାବି କରିଆସୁଛନ୍ତି।
Powered by Froala Editor
