ଚାଷ କରୁଥିଲେ ଲୋକେ, ବିଲ ଭିତରକୁ ମାଡିଗଲା ଟ୍ରେନ୍
ଦେଖୁ ଦେଖି ଚାଷ ଜମି ଭିତରକୁ ମାଡି ଆସିଲା ଟ୍ରେନ୍ । ଲୋକେ କିଛି ଭାବିବା ଆଗରୁ ଟ୍ରେନ୍ଟି ଦ୍ରୁତ ଗତିରେ ମାଡି ଆସୁଥିବା ଦେଖି ଏଣେତେଣେ ଦୌଡିଥିଲେ । ବିହାରର ଗୟା ଜିଲ୍ଲାରେ ଏଭଳି ଘଟଣା ଘଟିଛି । ଯାହାର ଏକ ଭିଡିଓ ବି ସାମ୍ନାକୁ ଆସିଛି ।
ସୂଚନାଯୋଗ୍ୟ, ଗୟା-କିଉଲ ରେଳ ଲାଇନରେ ଗତ ଶୁକ୍ରବାର ବଜିରଙ୍ଗଞ୍ଜ ଷ୍ଟେସନ ଓ କୋଲହାନା ହାଲ୍ଟସ୍ଥିତ ରଘୁନାଥପୁର ଗ୍ରାମ ନିକଟରେ ଟ୍ରେନ ଧାରଣାରୁ ଖସି ନିକଟସ୍ଥ ଚାଷଜମି ଭିତରକୁ ଚାଲି ଆସିଥିଲା। ହଠାତ ଚାଷ ଜମି ଭିତରକୁ ଟ୍ରେନଗାଡ଼ି ମାଡ଼ି ଆସୁଥିବା ଦେଖି ଲୋକ ଭୟରେ ଏଣେତେଣେ ଦୌଡ଼ିବାକୁ ଲାଗିଥିଲେ। ଗ୍ରାମବାସୀ ଆରପିଏଫକୁ ଫୋନ କରି ଘଟଣା ବିଷୟରେ ସୂଚନା ଦେଇଥିଲେ।
ଏହି ଘଟଣା ଶୁକ୍ରବାର ଘଟିଥିବା ବେଳେ ସୋସିଆଲ ମିଡିଆରେ ଏହାର ଏକ ଭିଡିଓ ଭାଇରାଲ ହେବାରେ ଲାଗିଛି। ଭିଡିଓ ଦେଖିବା ପରେ ଲୋକମାନେ ଭଗବାନଙ୍କୁ ଧନ୍ୟବାଦ ଜଣାଇଛନ୍ତି ।
ଗତ ଅଗଷ୍ଟମାସରେ ଗୟା ଜିଲ୍ଲାରେ କୋଇଲା ବୋଝେଇ ଏକ ମାଲଗାଡ଼ିର ଆଠଟି ଡବ୍ବା ଧାରଣାରୁ ତଳକୁ ଖସି ପଡ଼ିଥିଲ। ସୌଭାଗ୍ୟବଶତଃ ଏଥିରେ କିଛି କ୍ଷତି ପହଞ୍ଚି ନଥିଲା।
Powered by Froala Editor
