ଶିଶୁକନ୍ୟାର ମା ହେଲେ ଦୀପିକା
ମା' ହେଲେ ଦୀପିକା ପାଦୁକୋନ। ସେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଏହି ଖରବ ସାମ୍ନାକୁ ଆସିବା ପରେ ଫ୍ୟାନ୍ମାନଙ୍କ ମଧ୍ୟରେ ଖୁସିର ଲହରି ଖେଳି ଯାଇଛି। ଦୀପିକା ଓ ରଣବୀରଙ୍କୁ ଚାରିଆଡୁ ଶୁଭେଚ୍ଛାର ସୁଅ ଛୁଟିଛି।
ଦୀପିକା ପାଦୁକୋନଙ୍କୁ ମୁମ୍ବାଇର ଏଚଏନ ରିଲାଏନ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତରଖାନାରେ ଭର୍ତ୍ତି ହେବାର ଗୋଟିଏ ଦିନ ପରେ ଶିଶୁକନ୍ୟା ଜନ୍ମ ହେବାରୁ ଉଭୟ ଦୀପିକା ଓ ରଣବୀର ମାତାପିତା ହୋଇଛନ୍ତି । ଦୀପିକା ପଦୁକୋନ୍ ଏକ କନ୍ୟା ସନ୍ତାନକୁ ଜନ୍ମ ଦେଇଥିବା ନେଇ ସୋଶାଲ ମିଡିଆରେ ପୋଷ୍ଟ କରି ଡିଜିଟାଲ କ୍ରିଏଟର ତଥା ବିଟାଉନ୍ ରିପୋର୍ଟର ମାନବ ମଙ୍ଗଲାନି ସୂଚନା ଦେଇଛନ୍ତି। ତେବେ ରଣବୀର କିମ୍ବା ଦୀପିକାଙ୍କ ପକ୍ଷରୁ ଏନେଇ କୌଣସି ଅଫିସିଆଲ୍ ଭାବେ ସୂଚନା ମିଳିନାହିଁ।
କୁହାଯାଉଥିଲା ଯେ, ସେପ୍ଟେମ୍ବର ମାସ ଶେଷ ଆଡକୁ ଦୀପିକାଙ୍କ ଘରକୁ ନୂଆ ଅତିଥି ଆସିବେ। କିନ୍ତୁ ଏହା ପୂର୍ବରୁ ହିଁ ସେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଅସ୍ତ୍ରୋପଚାର କରାଯାଇ ଦୀପିକାଙ୍କ ପ୍ରସବ କରାଯାଇଛି । ହେଲେ ଏନେଇ କୌଣସି ସ୍ପଷ୍ଟୀକରଣ ମିଳିପାରିନାହିଁ ।
Powered by Froala Editor
