୨୫ ବର୍ଷ ପରେ ସତ ମାନିଛି ପାକିସ୍ତାନ। ପାକିସ୍ତାନୀ ସେନା ପ୍ରଥମ ଥର ସାର୍ବଜନୀକ ଭାବରେ ଏହା ସ୍ବୀକାର କରିଛି ଯେ, ଭାରତର ବିରୋଧରେ ୧୯୯୯ର କାର୍ଗିଲ ଯୁଦ୍ଧରେ ସେ ସାମିଲ ଥିଲେ। ଯେଉଁଥିରେ ପାକିସ୍ତାନକୁ ଏକ ପରାଜୟର ସମ୍ମୁଖୀନ ହେବାକୁ ପଡିଥିଲା | ଶୁକ୍ରବାର (ସେପ୍ଟେମ୍ବର ୬) ପ୍ରତିରକ୍ଷା ଦିବସ ଅବସରରେ ପାକିସ୍ତାନୀ ସେନା ମୁଖ୍ୟ ଜେନେରାଲ ଅସୀମ ମୁନିର କାର୍ଗିଲରେ ପାକ୍ ସୈନିକଙ୍କ ମୃତ୍ୟୁକୁ ସ୍ୱୀକାର କରିଥିଲେ। ତେବେ ଏହା ପୂର୍ବରୁ କେବେ ବି ପାକିସ୍ତାନୀ ସେନା ଏହାକୁ ଗ୍ରହଣ କରିନଥିଲା ।

ପ୍ରତିରକ୍ଷା ଦିବସ ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ଅସୀମ ମୁନୀର ଭାରତ ସହ ଅଲଗା ଅଲଗା ଯୁଦ୍ଧରେ ମରିଯାଇଥିବା ପାକିସ୍ତାନୀ ସୈନିକଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ଏହି ଯୁଦ୍ଧରେ କାର୍ଗିଲ ଯୁଦ୍ଧ ମଧ୍ୟ ରହିଛି। ଏହା ପୂର୍ବରୁ ଦୁଇ ଦଶକରୁ ଅଧିକ ସମୟ ଧରି ପାକିସ୍ତାନ ଅଫିସିଆଲ ଭାବରେ ଏ ସମ୍ପର୍କରେ କୌଣସି ମନ୍ତବ୍ୟ ଦେଇନଥିଲା।

ଜେନେରାଲ ମୁନିର କହିଛନ୍ତି, ପାକିସ୍ତାନର ବାହାଦୁର ସୈନିକ ସ୍ବାଧିନତା ପାଇଁ ସବୁକିଛି କରିବାକୁ ପ୍ରସ୍ତୁତ। ତାହା ୧୯୪୮,୧୯୬୫, ୧୯୭୧ କିମ୍ବା ୧୯୯୯ କାର୍ଗିଲ ଯୁଦ୍ଧ ହେଉ ହଜାର ହଜାର ସୈନିକ ଦେଶ ଓ ଇସ୍ଲାମ ପାଇଁ ନିଜ ଜୀବନ ଦେଇଛନ୍ତି। ଏହି ବୟାନ ପାକିସ୍ତାନୀ ଦ୍ବାରା ଦୀର୍ଘ ଦିନ ଧରି ଦିଆଯାଉଥିବା ଅଫିସିଆଲ ସୂଚନାଠାରୁ ସମ୍ପୂର୍ଣ୍ଣ ଅଲଗା। ପାକିସ୍ତାନ ଆଜି ପର୍ଯ୍ୟନ୍ତ କାର୍ଗିଲ ଯୁଦ୍ଧ ବିଷୟରେ ଏହା କହି ଆସୁଥିଲା ଯେ, ଏହି ଆକ୍ରମଣ ପଛରେ ଉଗ୍ରବାଦୀ ଥିଲେ। ତାଙ୍କ ମୁଝାହିଦ୍ଧିନ୍ କୁହାଯାଏ, ସେମାନେ ଆକ୍ରମଣ କରିଛନ୍ତି।

ବାସ୍ତବରେ ଏପର୍ଯ୍ୟନ୍ତ ପାକିସ୍ତାନର କୌଣସି ସେନା ମୁଖ୍ୟ ଲେଫ୍ଟନାଣ୍ଟ ଜେନେରାଲ (ଅବସରପ୍ରାପ୍ତ) ସହିଦ ଅଜିଜ ଏବଂ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ କାର୍ଗିଲ ଯୁଦ୍ଧରେ ପାକିସ୍ତାନର ସମ୍ପୃକ୍ତିକୁ ଗ୍ରହଣ କରିନଥିଲେ । ଏହା ବ୍ୟତୀତ ୧୯୯୯ର କାର୍ଗିଲ ବିବାଦ ସମୟରେ ପାକିସ୍ତାନୀ ସେନା ମୁଖ୍ୟ ଥିବା ଜେନେରାଲ ପରଭେଜ ମୁଶରଫ ନିଜେ ଏହାକୁ ସ୍ୱୀକାର କରିନଥିଲେ । ତେବେ ଜେନେରାଲ ମୁନିର୍ କହିଛନ୍ତି ଯେ ପାକିସ୍ତାନୀ ସମ୍ପ୍ରଦାୟ ଏକ ସାହସୀ ସମ୍ପ୍ରଦାୟ। ସ୍ୱାଧୀନତାର ମହତ୍ତ୍ୱ କଣ ତାହା ବୁଝାଇଥାନ୍ତି ।

Powered by Froala Editor