ପରଦାକୁ ଆସିବ ସ୍ୱପ୍ନାଙ୍କ ସଂଘର୍ଷଭରା କାହାଣୀ
ହରିଆଣାର ଷ୍ଟାର୍ ଡ୍ୟାନ୍ସର୍ ସପ୍ନା ଚୌଧରୀଙ୍କ ବାୟୋପିକ୍ ପରଦାକୁ ଆସିବ । ‘ମ୍ୟାଡାମ ସ୍ୱପ୍ନା’ ନାଁରେ ନିର୍ମିତ ହୋଇଛି ଏହି ବାୟୋପିକ୍ । ତାଙ୍କ ଜୀବନର ଉତ୍ଥାନ-ପତନ ଫିଲ୍ମରେ ପ୍ରଦର୍ଶିତ ହେବ । ଡ୍ୟାନ୍ସର୍ ସପ୍ନାଙ୍କ ଯାତ୍ରା ଫିଲ୍ମରେ ଦେଖିବାକୁ ମିଳିବ । ଏହାର ଟିଜର୍ ରିଲିଜ୍ ହୋଇଛି । ଶାଇନିଂ ସନ୍ ଷ୍ଟୁଡିଓଜ୍ ବ୍ୟାନର୍ ଅଧୀନରେ ଫିଲ୍ମ ନିର୍ମାଣ ହେବ । ମହେଶ ଭଟ୍ଟ ଏବଂ ବିନୟ ଭରଦ୍ୱାଜ ଓ ରବିନା ଠାକୁର ଏହାର ନିର୍ମାଣ ଦାୟିତ୍ୱ ବହନ କରିବେ । ଏଥିରେ ସପ୍ନା ନିଜର ପରିଚୟ ଦେଇଛନ୍ତି ଏବଂ ତାଙ୍କ ଯାତ୍ରା ପ୍ରାୟ ୧୬ ବର୍ଷର ବୋଲି କହିଛନ୍ତି ।
ବାୟୋପିକ୍ ଘୋଷଣା କରିବା ପାଇଁ ସପ୍ନା ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟ୍ରୁ ସବୁ ଫଟୋ ଡିଲିଟ୍ କରିଥିଲେ । ଘରର ଆର୍ଥିକ ପରିସ୍ଥିତିକୁ ଦେଖି ସେ ମଞ୍ଚରେ ପାଦ ରଖିଥିଲେ । ଏଥିପାଇଁ ତାଙ୍କୁ ଲୋକଙ୍କ ସମାଲୋଚନାର ସମ୍ମୁଖୀନ ହେବାକୁ ପଡ଼ିଥିଲା । ଏହାକୁ ସହି ନ ପାରି ସେ ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ । ଜୀବନରେ ଅନେକ ବାଧାବିଘ୍ନର ସମ୍ମୁଖୀନ ହୋଇ ସପ୍ନା ଶୀର୍ଷରେ ପହଞ୍ଚିଛନ୍ତି ।
Powered by Froala Editor
