ଏଥର ବିମାନରେ ଯାତ୍ରା କିମ୍ବା ବିଦେଶ ଯାତ୍ରା କରିବା ପାଇଁ ଆଉ ଝିନ୍‌ଝଟ୍ ରହିବ ନାହିଁ । ଆରୋଗ୍ୟ ସେତୁ ଆପ୍‌ ଅଫିସିଆଲ୍ ଏକ ଘୋଷଣା କରିଛି । ସେ ଟ୍ୱିଟ କରି କହିଛି ଯେ , “ବର୍ତ୍ତମାନ ଆପଣମାନେ ନିଜର ପାସପୋର୍ଟ ନମ୍ବରକୁ ଟିକାକରଣ ପ୍ରମାଣପତ୍ରରେ ଅପଡେଟ୍‌ କରିପାରିବେ।” । ବିଦେଶ ଯାତ୍ରୀ କିମ୍ବା ଅନ୍ୟାନ୍ୟ କାମ ପାଇଁ ପାସପୋର୍ଟ ବ୍ୟବହାର କରୁଥିବା ଲୋକମାନେ ଏହାର ଫାଇଦା ଉଠାଇପାରିବେ । ଭାରତ ସରକାରଙ୍କ କୋୱିନ ଆପ୍‌ରେ ଜଣେ ବ୍ୟକ୍ତି ନିଜର ଟିକାକରଣ ପ୍ରମାଣପତ୍ର ସହ ପାସପୋର୍ଟକୁ ଯୋଡ଼ି ପାରିବେ । ଆଜିଠାରୁ ଏହି ସୁବିଧା କୋୱିନ ଆପ୍‌ରେ ଉପଲବ୍ଧ ହେଇଯାଇଛି ।

ଜଣେ ବ୍ୟକ୍ତି କେମିତି ପାସପୋର୍ଟ ଓ ଟିକାକରଣ ପ୍ରମାଣପତ୍ରକୁ ଲିଙ୍କ କରିବେ, ତା’ର ପ୍ରକ୍ରିୟା ମଧ୍ୟ ସରକାରଙ୍କ ପକ୍ଷରୁ କୁହାଯାଇଛି। ଯଦି କିଛି ଭୁଲ ଥାଏ, ତା’ହେଲେ ତୁରନ୍ତ ସଂଶୋଧନ କରିବାର ବ୍ୟବସ୍ଥା ମଧ୍ୟ କୋ ୱିନରେ ରହିଛି।

ନିଜ ପାସପୋର୍ଟକୁ ଟିକାକରଣ ପ୍ରମାଣପତ୍ର ସହ ଯୋଡ଼ିବା ପାଇଁ ଜଣେ ବ୍ୟକ୍ତି ପ୍ରଥମେ ଅଫିସିଆଲ କୋ-ୱିନ ଆପ୍‌ www. cowin.gov.inକୁ ଯିବାକୁ ପଡ଼ିବ। ଏହାପରେ Raise an issue ବିକଳ୍ପକୁ କ୍ଲିକ କରିବାକୁ ପଡ଼ିବ। ଏହାକୁ କ୍ଲିକ କରିବା ପରେ ପାସପୋର୍ଟ ବିକଳ୍ପକୁ କ୍ଲିକ କରିବାକୁ ହେବ। ଡ୍ରପ –ଡାଉନ ମେନ୍ୟୁରେ ଆପଣ ଯେଉଁ ବ୍ୟକ୍ତିଙ୍କ ଟିକାକରଣ ପ୍ରମାଣପତ୍ର ଲିଙ୍କ କରିବାକୁ ଚାହୁଁଛନ୍ତି, ତାହା ଚୟନ କରନ୍ତୁ। ଏହାପରେ ପାସପୋର୍ଟ ନମ୍ବର ଦାଖଲ କରନ୍ତୁ। ଆପଣଙ୍କୁ ମାତ୍ର କିଛି ସେକେଣ୍ଡ ମଧ୍ୟରେ ନୂଆ ପ୍ରମାଣପତ୍ର ମିଳିଯିବ।

Powered by Froala Editor