ଜ୍ୟାକଲିନଙ୍କ ଜନ୍ମ ଦିନରେ ଜାହାଜ, ହସ୍ପିଟାଲ ଉପହାର ଦେଲା ସୁକେଶ
ଦିଲ୍ଲୀର ତିହାର ଜେଲରେ ରହୁଥିବା ଠକ ସୁକେଶ ଚନ୍ଦ୍ରଶେଖର ଅଭିନେତ୍ରୀ ଜ୍ୟାକଲିନ ଫନାଡିଜଙ୍କୁ ଦେଇଛି ଦାମୀ ଉପହାର। ଜ୍ୟାକଲିନଙ୍କୁ ଜାହାଜ ଠାରୁ ଆରମ୍ଭ କରି ହସ୍ପିଟାଲ ସବୁକିଛି ଅଜାଡି ଦେଇଛି ।
ଜ୍ୟାକଲିନ ତାଙ୍କର ୩୯ତମ ଜନ୍ମଦିନକୁ ଗୋଟିଏ ଦିନ ପୂର୍ବରୁ ଅର୍ଥାତ୍ ରବିବାର ଦିନ ପାଳନ କରିଥିଲେ। ସୁକେଶ ଦେଇଥିବା ଏହି ଜାହାଜର ନାମ ଜ୍ୟାକଲିନଙ୍କ ନାମରେ ରଖାଯାଇଛି। ଏହା ହେଉଛି ସମାନ ଜାହାଜ ଯାହା ସୁକେଶ ୨୦୨୧ରେ ଜ୍ୟାକଲିନଙ୍କ ପାଇଁ ବାଛିଥିଲେ।
ସୁକେଶ ଚନ୍ଦ୍ରଶେଖର ତାଙ୍କ ଚିଠିରେ କହିଛନ୍ତି ଯେ ‘ଲେଡି ଜ୍ୟାକଲିନ’ ନାମକ ଏହି ୟାଚ ବା ଜାହାଜ ଚଳିତ ମାସରେ ଡେଲିଭରି କରାଯିବ। ସେ କହିଛନ୍ତି ଯେ ଜାହାଜର ସମସ୍ତ ଟିକସ ପ୍ରଦାନ କରାଯାଇଛି ଏବଂ ଏହା ସମ୍ପୂର୍ଣ୍ଣ ଆଇନଗତ ଅଟେ।
ଜ୍ୟାକଲିନ ପଶୁ କଲ୍ୟାଣ କ୍ଷେତ୍ରରେ ମଧ୍ୟ କାର୍ଯ୍ୟ କରୁଛନ୍ତି। ଏ ସମ୍ପର୍କରେ ସୁକେଶ କହିଛନ୍ତି ଯେ ବେଙ୍ଗାଲୁରୁରେ ଜ୍ୟାକଲିନଙ୍କୁ ସେ ଦେଇଥିବା ପଶୁ ଡାକ୍ତରଖାନାର କାମ ଚଳିତ ବର୍ଷ ଶେଷ ହେବାକୁ ଯାଉଛି।
କେବଳ ଏତିକି ନୁହେଁ, ଜ୍ୟାକଲିନଙ୍କ ନୂଆ ଗୀତ 'ୟିମି ୟିମି' ମ୍ୟୁଜିକ୍ ଭିଡିଓକୁ ହିଟ୍ କରିବା ପାଇଁ ସେ ୧୦୦ ଆଇଫୋନ ୧୫ପ୍ରୋ ଦେବାକୁ ମଧ୍ୟ ଘୋଷଣା କରିଛନ୍ତି।
Powered by Froala Editor
