ବିଚ୍ ରାସ୍ତାରେ ସବ୍-ଇନ୍ସପେକ୍ଟରଙ୍କୁ ଗୁଳି କରି ହତ୍ୟା
ନୂଆଦିଲ୍ଲୀ: ବିଚ୍ ରାସ୍ତାରେ ପୁଲିସ ବାବୁଙ୍କ ଉପରେ ହେଲା ଆଖିବୁଜା ଗୁଳିମାଡ଼। ଘଟଣାସ୍ଥଳରେ ହିଁ ଟଳି ପଡିଲେ ସବ-ଇନ୍ସପେକ୍ଟର। ଝାଡଖଣ୍ଡର ରାଜଧାନୀ ରାଞ୍ଚିରେ ଘଟିଛି ଏଭଳି କିଛି ହତ୍ୟା ଘଟଣା।
ରାଞ୍ଚିରେ ଜଣେ ସବ୍-ଇନ୍ସପେକ୍ଟରଙ୍କୁ ଗୁଳି କରି ହତ୍ୟା କରାଯାଇଛି। ମୃତକ ହେଲେ ଅନୁପମ କଚ୍ଛପ। ତାଙ୍କ ମୃତଦେହ କାଙ୍କେ ରିଙ୍ଗରୋଡ୍ରୁ ଜବତ ହୋଇଛି। ଏ ସମ୍ପର୍କରେ ସୂଚନା ପାଇବା ପରେ ବରିଷ୍ଠ ପୁଲିସ କର୍ମଚାରୀ ପହଞ୍ଚି ଘଟଣାର ତଦନ୍ତ ଜାରି ରଖିଛନ୍ତି। ସେପଟେ ଏହି ଖବର ସାମ୍ନାକୁ ଆସିବା ପରେ ପୂରା ଅଞ୍ଚଳରେ ଆତଙ୍କ ଖେଳି ଯାଇଛି। ପୁଲିସ ସୂତ୍ରରୁ ମିଳିଥିବା ସୂଚନା ଅନୁସାରେ, ଅନୁପମ ତାଙ୍କର କିଛି ସାଙ୍ଗମାନଙ୍କ ସହ ପାର୍ଟି କରିବାକୁ କାଙ୍କେ ରିଙ୍ଗ ରୋଡରେ ଥିବା ଏକ ଢ଼ାବାକୁ ଯାଇଥିଲେ। ଅନୁପମ ଓ ତାଙ୍କ ସାଙ୍ଗମାନେ ରାତି ପ୍ରାୟ ୧ ଟା ପର୍ୟ୍ୟନ୍ତ ପାର୍ଟି ଜାରି ରଖିଥିଲେ। ଏହାପରେ ପ୍ରାୟ ରାତି ୨ଟାରେ ଅନୁପମ ନିଜ ବାଇକରେ ଘରକୁ ଫେରୁଥିଲେ। ଏହି ସମୟରେ ଅପରାଧୀମାନେ ଅନୁପମଙ୍କୁ ଗୁଳି କରି ହତ୍ୟା କରିଛନ୍ତି।
Powered by Froala Editor
