ଦିବ୍ୟାଙ୍ଗ ଦେଖାଇ ହୋଇଥିଲେ ଆଇଏଏସ୍, ଡ୍ୟାନ୍ସ ଭିଡିଓ ଭାଇରାଲ ପରେ ଉଠିଲା ବିବାଦ
ଦିବ୍ୟାଙ୍ଗ ନଥାଇ ବି ଦିବ୍ୟାଙ୍ଗ କୋଟାରେ ଆଇଏଏସ୍ ହୋଇଥିବା ପୂଜା ଖେଡକରଙ୍କୁ ନେଇ ବିବାଦ ଚାଲିଛି । ୟାଭିତରେ ଆଇଏଏସ୍ ଅଭିଷେକ ସିଂହ ମଧ୍ୟ ନଜରକୁ ଆସିଛନ୍ତି । ସେ ମଧ୍ୟ ଦିବ୍ୟାଙ୍ଗ କୋଟାରେ ପଦବି ପାଇଥିବା ଚର୍ଚ୍ଚାର ବିଷୟ ପାଲଟିଛି ।
୨୦୧୧ର ଆଇଏଏସ୍ ଅଫିସର ଅଭିଷେକ ସିଂହ ଗତବର୍ଷ ପ୍ରଶାସନ ସେବାକୁ ଅଲବିଦା କହିଛନ୍ତି। ସେ ଏବେ ତାଙ୍କର ଡ୍ୟାନ୍ସ ଓ ଜିମରେ ବ୍ୟାୟାମ କରିବା ବେଳର ଭିଡିଓ ଭାଇରାଲ ହେବା ପରେ ସେ ବିବାଦ ଘେରକୁ ଆସିଛନ୍ତି।
ଅଭିଷେକ ନିଜକୁ ଲୋକୋମୋଟୋର ଦିବ୍ୟାଙ୍ଗ ଭାବେ ଦର୍ଶାଇ ୟୁପିଏସ୍ସି ଚୟନ ପ୍ରକ୍ରିୟାରେ ସଂରକ୍ଷଣ ପାଇଥିଲେ। ଲୋକୋମୋଟୋର ହେଉଛି ଆଣ୍ଠୁଗଣ୍ଠି ଜନିତ ସମସ୍ୟା। ସିଧା ଚାଲିବା ଅସମ୍ଭବ। ହେଲେ ସେ ପ୍ରଶାସନିକ ସେବାରୁ ଭିଆରଏସ୍ ନେବା ପରେ ବେଶ ଭଲ ଭାବେ ଡ୍ୟାନ୍ସ କରୁଥିବାରୁ ତାଙ୍କ ଦିବ୍ୟାଙ୍ଗ ପ୍ରମାଣପତ୍ର ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି।
ବିବାଦ ଉପରେ ଅଭିଷେକ ସିଂହ କହିଛନ୍ତି, “ଯଦିଓ ମୁଁ କୌଣସି ସମାଲୋଚନା ଦ୍ୱାରା ବ୍ୟସ୍ତ ହୁଏ, କିନ୍ତୁ ମୋ ଜୀବନକାଳରେ ଏହା ପ୍ରଥମ ଥର ମୁଁ ମୋର ସମାଲୋଚକମାନଙ୍କୁ ଉତ୍ତର ଦେଉଛି। ମୋର ନୈତିକ କର୍ତ୍ତବ୍ୟ ହେଉଛି ଯେ ମୁଁ ସତ ସାମ୍ନାରେ ରଖିବି। ଯେବେଠାରୁ ମୁଁ ସଂରକ୍ଷଣ ସପକ୍ଷରେ ସ୍ୱର ଉତ୍ତୋଳନ କରିବା ଆରମ୍ଭ କରିଛି ସେବେଠାରୁ ସଂରକ୍ଷଣର ବିରୋଧୀ ପୂରା ସେନା ମୋ ବିରୋଧରେ ଗୋଟିଏ ସାମ୍ମୁଖ୍ୟ ଖୋଲିଛନ୍ତି। ଜଣେ ସାଧାରଣ ବର୍ଗର ପିଲା କେମିତି ସଂରକ୍ଷଣ ସପକ୍ଷରେ କହୁଛି, ସେକଥା ସେମାନଙ୍କର ହଜମ ହେଉନାହିଁ ବୋଲି କହୁଛନ୍ତି ।
Powered by Froala Editor
