ପ୍ରେମ ନିବେଦନକୁ ମନା କରିବାରୁ ଯୁବତୀଙ୍କୁ ଛୁରି ଭୁସି ହତ୍ୟା
![ପ୍ରେମ ନିବେଦନକୁ ମନା କରିବାରୁ ଯୁବତୀଙ୍କୁ ଛୁରି ଭୁସି ହତ୍ୟା](https://odishanewslens.com/news_gallery/30043_1715803893.jpg)
କର୍ନାଟକ ହୁବଳିସ୍ଥିତ ବୀରପୁରା ଗ୍ରାମରେ ଅଞ୍ଜଳି ଆମ୍ବିଗେରା(୨୦) ନାମ୍ନୀ ଯୁବତୀ ଶୋଇଥିବା ସମୟରେ ତାଙ୍କୁ ଛୁରି ଭୁସି ହତ୍ୟା କରାଯାଇଛି। କିଛି ଦିନ ପୂର୍ବେ ସେ ଗିରିଶ ସାଓ୍ବନ୍ତ(୨୩) ଓରଫ ବିଶ୍ୱ ନାମକ ଜଣେ ପଡ଼ୋଶୀଙ୍କ ପ୍ରେମ ନିବେଦନକୁ ମନା କରିଦେଇଥିଲେ। ବୁଧବାର ସକାଳେ ଅଞ୍ଜଳି ଘରେ ଶୋଇଥିବା ବେଳେ ବିଶ୍ୱ ତାଙ୍କ ଘରେ ପଶି ତାଙ୍କୁ ଛୁରୀ ଭୁସି ଦେଇଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ କରିବା ସହିତ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ।
ଅଞ୍ଜଳିଙ୍କ ପରିବାର ବର୍ଗ ଅନୁଯାୟୀ, ପ୍ରେମ ସମ୍ପର୍କ ରଖିବାକୁ ଗିରିଶ ଗତ କିଛି ଦିନ ଧରି ଅଞ୍ଜଳିଙ୍କ ଉପରେ ଚାପ ପକାଉଥିଲେ। ଘଟଣାକୁ ନେଇ ପୁଲିସ ତଦନ୍ତ ଜାରି ରଖିଥିବା ହୁବଳି ଏସ୍ପି ଗୋପାଳ ବାୟକୋଡ଼ କହିଛନ୍ତି। ଗିରିଶ ଫେରାର ହୋଇଯାଇଥିବା ବେଳେ ପୁଲିସ ତାଙ୍କୁ ଖୋଜିବାରେ ଲାଗିଛି। ତଦନ୍ତ ପରେ ହତ୍ୟା ପଛର କାରଣ ସ୍ପଷ୍ଟ ହେବ।ସେଥିପାଇଁ ଏକ ଟିମ୍ ଗଠନ କରାଯାଇଛି।
Powered by Froala Editor