ତେଜପ୍ରତାପଙ୍କ ରାଗ, ମଞ୍ଚରୁ କର୍ମୀଙ୍କୁ ଠେଲିଦେଲେ
ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ବଡ ପୁଅ ତଥା ପୂର୍ବତନ ମନ୍ତ୍ରୀ ତେଜ ପ୍ରତାପ ଯାଦବ ଜଣେ ଆରଜେଡି କର୍ମୀଙ୍କୁ ମଞ୍ଚରୁ ଠେଲି ଦେଇଛନ୍ତି। ଯାହାର ଭିଡିଓ ଭାଇରାଲ ହେଉଛି । ଏଥିପାଇଁ ତାଙ୍କୁ ସମାଲୋଚନା କରାଯାଉଛି । ବାସ୍ତବରେ ସୋମବାର ଲାଲୁ ପ୍ରସାଦ ଯାଦବଙ୍କ ବଡ଼ ଝିଅ ମିସା ଭାରତୀଙ୍କ ନାମାଙ୍କନ ପତ୍ର ଦାଖଲ କାର୍ଯ୍ୟକ୍ରମ ଥିଲା। ନାମାଙ୍କନ ସଭା ପରେ ଶ୍ରୀକୃଷ୍ଣ ମେମୋରିଆଲ ହଲରେ ଏକ ସଭାର ଆୟୋଜନ କରାଯାଇଥିଲା।
କାର୍ଯ୍ୟକ୍ରମରେ ସାମିଲ ହୋଇ ସୀମା ଭାରତୀ ଲୋକଙ୍କୁ ସମ୍ଭୋଧିତ କରୁଥିଲେ। ଏହି ସମୟରେ ତାଙ୍କ ପଛରେ ଛିଡ଼ା ହୋଇଥିବା ଜଣେ କର୍ମକର୍ତ୍ତାଙ୍କୁ ଭାଇ ତେଜ ପ୍ରତାପ ଧକ୍କା ଦେଇଥିଲେ। କେବଳ ଏତିକି ନୁହେଁ ଉକ୍ତ କର୍ମକର୍ତ୍ତାଙ୍କୁ ଗାଳିଗୁଲଜ କରି ମଞ୍ଚରୁ ତଳକୁ ଓହ୍ଲାଇ ଯିବାକୁ ସେ କହିଥିଲେ।
ଏହି ପୁରା ଦୃଶ୍ୟ ଦେଖି ମିସା ଭାରତୀ ଆଶ୍ଚର୍ଯ୍ୟ ହୋଇଗଲେ। ମିସା ଭାରତୀ ତେଜ ପ୍ରତାପ ଯାଦବଙ୍କ ହାତ ଧରି ତାଙ୍କୁ ଶାନ୍ତ କଲେ। ଏହି ସମୟରେ, ଆରଜେଡିର ମୁଖପାତ୍ର ଶକ୍ତି ଯାଦବ ଶୀଘ୍ର ସେହି କର୍ମୀଙ୍କୁ ସେଠାରୁ ହଟାଇ ଦେଇଥିଲେ।
Powered by Froala Editor
