ବୋମାକୁ ବଲ୍ ଭାବି ଖେଳୁଥିଲେ : ବିସ୍ଫୋରଣରେ ବାଳକ ମୃତ, ଆଉ ଜଣଙ୍କ ହାତ ଛିଣ୍ଡିଲା
ସୋମବାର ପଶ୍ଚିମବଙ୍ଗର ହୁଗଲିରେ ପଡିଆରେ ପିଲାମାନେ ଖେଳୁଥିବା ବେଳେ ହଠାତ୍ ବିସ୍ଫୋରଣ ହୋଇଥିଲା । ଏଥିରେ ଜଣେ ନାବାଳକର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଅଛନ୍ତି। ମୃତକ ହେଲେ ୭ ବର୍ଷୀୟ ରାଜ୍ ବିଶ୍ୱାସ। ଅନ୍ୟ ଦୁଇ ଗୁରୁତର ରୂପମ୍ ବଲ୍ଲଭ ଓ ସୌରଭ ଚୌଧୁରୀ। ଏମାନଙ୍କ ବୟସ ୧୧ ଓ ୧୩ ବର୍ଷ ବୋଲି ଜଣାପଡିଛି। ଆହତଙ୍କ ମଧ୍ୟରୁ ଜଣଙ୍କ ହାତ ଛିଣ୍ଡି ଯାଇଥିବା କୁହାଯାଉଛି। ଉଭୟଙ୍କୁ ଞ୍ଚୁଚୁରା ଇମାମବାଡା ହସ୍ପିଟାଲରେ ଭର୍ତ୍ତି କରାଯାଇଛି। କୁହାଯାଉଛି ଯେ ପିଲାମାନେ ଖେଳିବା ସମୟରେ ବୋମା ଉଠାଇ ନେଇଥିଲେ। ହେଲେ ତାହା ବଲ ନୁହେଁ ଏକ ବୋମା ଥିଲା। ତା’ପରେ ଏହା ବିସ୍ଫୋରଣ ହୋଇଥିଲା।
ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଯେତେବେଳେ ପିଲାମାନେ ଏକ ବୋମା ଉଠାଇ ବଲ ଭାବି ଏହାକୁ ଖେଳୁଥିଲେ ସେତେବେଳେ ଏହା ଫାଟିଗଲା। ସେଠାରେ ଖେଳୁଥିବା ଅନେକ ପିଲା ଏହି ବିସ୍ଫୋରଣରେ ଆହତ ହୋଇଥିଲେ। ପିଲାମାନଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। ଯେଉଁଠାରେ ଡାକ୍ତରମାନେ ରାଜ୍ ଙ୍କୁ ମୃତ ଘୋଷଣା କରିଥିଲେ।
Powered by Froala Editor