ବାଣ ପଡ଼ି ଜଳିଗଲା ଘର, ୬ ଜଣ ଜୀବନ୍ତ ଦଗ୍ଧ
ନୂଆଦିଲ୍ଲୀ: ବିହାରର ଦରଭଙ୍ଗା ଅଞ୍ଚଳରେ ବିବାହ ଉତ୍ସବରେ ଫୁଟୁଥିବା ବାଣ ପଡ଼ି ଏକ ଘର ଜଳିଯିବା ସହ ଘରେ ଥିବା ୬ ଜଣ ଜୀବନ୍ତ ଦଗ୍ଧ ହୋଇ ଯାଇଛନ୍ତି।ଦରଭଙ୍ଗା ଜିଲ୍ଲାର ଅଣ୍ଟୋର ଗାଁରେ ଏହି ଅଘଟଣ ଘଟିଛି।
ଗାଁରେ ଏକ ବିବାହ ପ୍ରୋସେସନ ଚାଲିଥିଲା। ବରଯାତ୍ରୀ ଆସୁଥିବା ବେଳେ ରୋଷଣୀରେ ଗାଁ ଦାଣ୍ଡ ଫାଟି ପଡ଼ୁଥିବା ବେଳେ ଭଳିକି ଭଳି ବାଣ ଫୁଟା ଯାଉଥିଲା। ଉକ୍ତ ସମୟରେ ଏକ ବାଣ ଏକ ଘର ଉପରେ ପଡ଼ି ଯାଇଥିଲା। ଫଳରେ ଉକ୍ତ ଘରେ ସଙ୍ଗେ ସଙ୍ଗେ ନିଆଁ ବ୍ୟାପି ଯାଇଥିଲା।
ଦେଖୁ ଦେଖି ଘରେ ଥିବା ଗ୍ୟାସ୍ ସିଲିଣ୍ଡରରେ ନିଆଁ ଲାଗି ତାହା ବିସ୍ଫୋରଣ ହୋଇଥିଲା। ଏହାପରେ ଦୁଆରେ ଥିବା ଏକ ଡିଜେଲ ଡ୍ରମରେ ନିଆଁ ଲାଗି ଯାଇଥିଲା। ଫଳରେ ଘରେ ରହି ଯାଇଥିବା ୬ ଜଣଙ୍କୁ ବାହାର କରିବା ସମ୍ଭବପର ହୋଇ ପାରି ନ ଥିଲା। ଗ୍ରାମବାସୀଙ୍କ ଆଖି ଆଗରେ ଏକ ପରିବାରର ୬ ଜଣ ଜୀବନ୍ତ ଜଳି ଯାଇଥିଲେ।
Powered by Froala Editor
