ବିଜ୍ଞାପନ ଜରିଆରେ ୩ ଥର ଅପରାଧିକ ବିବରଣୀ ଦେବେ ଦାଗୀ ନେତା
![ବିଜ୍ଞାପନ ଜରିଆରେ ୩ ଥର ଅପରାଧିକ ବିବରଣୀ ଦେବେ ଦାଗୀ ନେତା](https://odishanewslens.com/news_gallery/28738_1710618197.jpg)
ସାଧାରଣ ନିର୍ବାଚନ ପାଇଁ ଏଥର ପ୍ରାର୍ଥୀଙ୍କ ପାଇଁ ନୂଆ ନିୟମ ହୋଇଛି । ଦାଗୀ ନେତାମାନେ ଟିଭି ଓ ଖବର କାଗଜରେ ବିଜ୍ଞାପନ ଜରିଆରେ ନିଜର ଅପରାଧିକ ରେକର୍ଡ ଦେଖାଇବେ। ଏଭଳି କିଛି ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିଶନର ରାଜୀବ କୁମାର। ତେବେ ୩ଥର ନିଜ ଅପରାଧିକ ବିବରଣୀ ଦେବେ ଦାଗୀ ନେତା।
ସାରା ଦେଶରେ ନିର୍ବାଚନ ସେ ନେଇ ମୁଖ୍ୟ ନିର୍ବାଚନ କମିଶନ ତାରିଖ ଘୋଷଣା କରିଛନ୍ତି। ଦେଶରେ ମୋଟ ୭ଟି ପର୍ଯ୍ୟାୟରେ ନିର୍ବାଚନ ହେବ। ପ୍ରଥମ ପର୍ଯ୍ୟାୟରେ ୧୯ ଏପ୍ରିଲରେ ଭୋଟ ପଡିବ। ୨୬ ଏପ୍ରିଲରେ ଦ୍ୱିତୀୟ ପର୍ଯ୍ୟାୟ, ମେ' ୭ରେ ତୃତୀୟ ପର୍ଯ୍ୟାୟ, ମେ' ୧୩ରେ ଚତୁର୍ଥ ପର୍ଯ୍ୟାୟ, ମେ' ୨୦ରେ ପଞ୍ଚମ ପର୍ଯ୍ୟାୟ, ମେ' ୨୫ରେ ଷଷ୍ଠ ପର୍ଯ୍ୟାୟ ଓ ଜୁନ ୧ ତାରିଖ ଅନ୍ତିମ ପର୍ଯ୍ୟାୟ ଭୋଟ୍ ହେବ। ସେହିପରି ଜୁନ୍ ୪ ତାରିଖରେ ଫଳାଫଳ ଘୋଷଣା ହେବ।
ତେବେ ତାପୂର୍ବରୁ ନେତାଙ୍କ ପାଇଁ କଠୋର ନୀତି କରିଛନ୍ତି ନିର୍ବାଚନ କମିଶନର । ଜନତା ଜାଣିବା ଦରକାର ଯେ, ସେମାନେ କାହାକୁ ନେତା ବାଛିବେ । ତେଣୁ ନିଜର କେତେ ଜଣ ଏଭଳି ଦାଗୀ ନେତା ଅଛନ୍ତି, କାହିଁକି ଏଭଳି ପ୍ରାର୍ଥୀଙ୍କୁ ଟିକେଟ୍ ଦିଆଗଲା ସେ ନେଇ ରାଜନୈତିକ ଦଳମାନେ ନିଜ ନିଜ କାରଣ ଦର୍ଶାଇବେ। ଅପରାଧିକ ମାମଲା ଥିଲେ ପ୍ରାର୍ଥୀମାନେ ବିଜ୍ଞାପନ ଜରିଆରେ ଜଣାଇବେ। ଖବର କାଗଜ ଓ ଟିଭିରେ ୩ଥର ନିଜ ଅପରାଧ ବିବରଣୀ ଦେବେ। ରାଜନୈତିକ ଦଳ ମଧ୍ୟ ଏନେଇ ବିସ୍ତୃତ ସୂଚନା ପ୍ରଦାନ କରିବେ।
Powered by Froala Editor