ସ୍ତ୍ରୀଙ୍କ ସନ୍ଦେହ ପ୍ରକୃତି ଓ ନିର୍ଯାତନା ଅସହ୍ୟ ହେଲା, କ୍ଲିନିକ୍ରେ ଝୁଲିପଡ଼ିଲେ ଡାକ୍ତର
ସ୍ତ୍ରୀଙ୍କ ନିର୍ଯାତନା ସହି ନ ପାଇ ଡାକ୍ତର ସ୍ବାମୀ ନିଜ କ୍ଲିନିକରେ ଦଉଡ଼ି ଲଗାଇ ଆତ୍ମହତ୍ୟା କରିଛି। ମୃତ ଡାକ୍ତର ହେଲେ ଦେବୀ ଦୟାଲ( ୪୦)। ଉତ୍ତରପ୍ରଦେଶର ଗୌଣ୍ଡାରେ ଏହି ଘଟଣା ଚର୍ଚ୍ଚାର ବିଷୟ ହୋଇଛି। ପୋଲିସ ଡାକ୍ତରଙ୍କ ଏକ ସୁଇସାଇଡ୍ ନୋଟ୍ ଜବତ କରିଛି। ସୁଇସାଇଡ୍ ନୋଟ୍ରେ ନିର୍ଯାତନା ଅସହ୍ୟ ହେବାରୁ ଏଭଳି ଚରମ ପଦକ୍ଷେପ ନେଇଥିବା ଡାକ୍ତର ଉଲ୍ଲେଖ କରିଛନ୍ତି।
ସୂଚନାଯୋଗ୍ୟ, ଡାକ୍ତର ଦୟାଲ କ୍ଲିନିକରେ ଏକୁଟିଆ ଥିଲେ। ହେଲେ ସେ ବହୁ ସମୟ ପର୍ଯ୍ୟନ୍ତ କବାଟ ନ ଖୋଲିବାରୁ ସ୍ଥାନୀୟ ଲୋକେ ପୋଲିସକୁ ଜଣାଇଥିଲେ। ପୋଲିସ ପହଞ୍ଚି କବାଟ ଭାଙ୍ଗି ଡାକ୍ତରଙ୍କ ଝୁଲନ୍ତା ମୃତଦେହ ସହ ସୁଇସାଇଡ୍ ନୋଟ୍ ଜବତ କରିଛି।
ସୁଇସାଇଡ୍ ନୋଟ୍କୁ ଭିତ୍ତିକରି ପୋଲିସ ସେମାନଙ୍କ ନାଁରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ସୁଇସାଇଡ୍ ନୋଟ୍ ରେ ଡାକ୍ତର ଲେଖିଛନ୍ତି, ସ୍ତ୍ରୀ ତାଙ୍କୁ ଅଯଥା ସନ୍ଦେହ କରୁଥିଲେ। ଫଳରେ ସେ ମାନସିକ ଚାପଗ୍ରସ୍ତ ରହୁଥିଲେ। ଏପରି ଜୀବନ ବଞ୍ଚିବା ଅପେକ୍ଷା ମରିଯିବା ଭଲ ବୋଲି ସୁଇସାଇଡ୍ ନୋଟରେ ଏପରି କିଛି କୋହଭରା କଥା ଡାକ୍ତର ଲେଖିଛନ୍ତି।
Powered by Froala Editor
