ନିଦରୁ ଉଠିବା ପରେ ହଠାତ୍ ମୁଣ୍ଡ ବୁଲାଉଥିଲେ, ହୋଇପାରେ ଏହି ରୋଗର ସଙ୍କେତ
![ନିଦରୁ ଉଠିବା ପରେ ହଠାତ୍ ମୁଣ୍ଡ ବୁଲାଉଥିଲେ, ହୋଇପାରେ ଏହି ରୋଗର ସଙ୍କେତ](https://odishanewslens.com/news_gallery/27500_1705902358.jpg)
ମୁଣ୍ଡ ବ୍ୟଥା ବା ମୁଣ୍ଡ ବୁଲାଇବା ଏକ ସାଧାରଣ ସମସ୍ୟା ବୋଲି ଅଧିକାଂଶ ଲୋକେ ଭାବିଥାନ୍ତି। ଦୁର୍ବଳତା କାରଣରୁ ଏପରି ହୋଇଥାଇପାରେ ବୋଲି ଭାବି ଗୁରୁତର ଭାବେ ନିଅନ୍ତି ନାହିଁ। ମାତ୍ର ନିଦରୁ ଉଠିବା ପରେ ହଠାତ୍ ମୁଣ୍ଡ ବୁଲାଇ ଦେଉଥିଲେ ଆଦୌ ହାଲୁକା ଭାବେ ନିଅନ୍ତୁ ନାହିଁ। କାରଣ ଆମ ଶରୀରରେ କିଛି ରୋଗ ଥାଏ, ଯାହା ଏହାର ସଙ୍କେତ ହୋଇପାରେ। କଣ ସେହି ସବୁ ରୋଗ, ଜାଣନ୍ତୁ...
ଦୀର୍ଘ ସମୟ ଧରି ଶୋଇବା ଦ୍ୱାରା ରକ୍ତ ପ୍ରବାହ ପେଟ ଆଡକୁ ଅଧିକ ରହିଥାଏ। ଏପରି ପରିସ୍ଥିତିରେ, ଯଦି ଆପଣ ହଠାତ୍ ଠିଆ ହୁଅନ୍ତି, ତେବେ ରକ୍ତ ମୁଣ୍ଡ ଏବଂ ପାଦ ଆଡକୁ ପ୍ରବାହିତ ହୋଇଥାଏ। ରକ୍ତ ପ୍ରବାହରେ ହଠାତ୍ ପରିବର୍ତ୍ତନ କାରଣରୁ ମୁଣ୍ଡ ବୁଲୁଥିବା ପରି ମନେହୁଏ। କ୍ଲିଭଲ୍ୟାଣ୍ଡ କ୍ଲିନିକ୍ ରିପୋର୍ଟ ଅନୁଯାୟୀ, ରକ୍ତଚାପରେ ପରିବର୍ତ୍ତନ ଥିବାରୁ ଏପରି ଘଟେ। ଏହି ଅବସ୍ଥାକୁ ଅର୍ଥୋଷ୍ଟାଟିକ୍ କିମ୍ବା ପୋଶ୍ଚୁରାଲ୍ ହାଇପୋଟେନ୍ସନ୍ କୁହାଯାଏ।
ଏହି ରୋଗର ଲକ୍ଷଣ ହୋଇପାରେ
ଏହି ଅବସ୍ଥା କିଛି ଗମ୍ଭୀର ରୋଗର କାରଣ ମଧ୍ୟ ହୋଇପାରେ। ଯେଉଁମାନେ ଭିଟାମିନ୍ ଈ୧୨ ରେ ବହୁତ ଅଭାବ କିମ୍ବା ରକ୍ତହୀନତାର ଶିକାର ହେଉଛନ୍ତି ସେମାନଙ୍କର ଏହି ଲକ୍ଷ୍ୟଣ ଦେଖାଯାଇପାରେ।
ଝାଡ଼ା, ବାନ୍ତି କିମ୍ବା ଡାଇୟୁରେଟିକ୍ କାରଣରୁ ଶରୀରରେ କମ୍ ଜଳ ଥିଲେ ମୁଣ୍ଡ ବୁଲାଇବା ଭଳି ଲାଗେ।
ଏହି ଅବସ୍ଥା ମଧୁମେହ କିମ୍ବା ଥାଇରଏଡ୍ ରୋଗ ପରି ଏଣ୍ଡୋକ୍ରାଇନ୍ ସମ୍ବନ୍ଧୀୟ ସମସ୍ୟାର ସଙ୍କେତ ମଧ୍ୟ ହୋଇପାରେ।
ମୁଣ୍ଡର ଘୂର୍ଣ୍ଣନ ମଧ୍ୟ ହୃଦୟରେ କିଛି ସମସ୍ୟାର ସଙ୍କେତ ହୋଇପାରେ।
ପାର୍କିନ୍ସନ୍ କିମ୍ବା ଡିମେନ୍ସିଆରେ ପୀଡିତ ଲୋକଙ୍କର ମଧ୍ୟ ଏହି ସମସ୍ୟା ହୋଇପାରେ।
ଗର୍ଭାବସ୍ଥାରେ ମହିଳାମାନଙ୍କର ଦୁର୍ବଳତା ମଧ୍ୟ ଭର୍ଟିଗୋ ପାଇଁ ଏକ କାରଣ ହୋଇପାରେ ଏବଂ ଦୀର୍ଘ ସମୟ ଶୋଇବା ପରେ ମଧ୍ୟ ଏହିପରି ଲକ୍ଷଣ ଦେଖାଯାଏ।
Powered by Froala Editor