ଶ୍ରୀମନ୍ଦିର ପରିକ୍ରମା: ଆଜି ଧ୍ବଜା ଓ ତୋରଣ ସ୍ଥାପନ
ପୁରୀ: ଶ୍ରୀମନ୍ଦିରପରିକ୍ରମା ପ୍ରକଳ୍ପ ଲୋକାର୍ପଣର ଚାଲିଛି ଆଦ୍ୟପୂଜା । ଗତକାଲି ଅଙ୍କୁର ପୂଜନ ସହ ମଣ୍ଡପ ସ୍ଥାପନ କରାଯାଇଥିଲା । ଆଜି ଧ୍ବଜା ଓ ତୋରଣ ସ୍ଥାପନ କରାଯିବ । ଆସନ୍ତାକାଲି ମକର ସଂକ୍ରାନ୍ତିଠାରୁ ଆରମ୍ଭ ହେବ ମହାଯଜ୍ଞ ।
ଲୋକାର୍ପଣର ଆଦ୍ୟ ପର୍ବ ଶୁକ୍ରବାର ଆରମ୍ଭ ହୋଇଛି। ଗଜପତି ମହାରାଜା ଦିବ୍ୟସିଂହ ଦେବ ଶ୍ରୀନଅରରେ ଆଚାର୍ୟ୍ୟ ବରଣ କରିଥିବା ବେଳେ ଯଜ୍ଞସ୍ଥଳରେ ଅଙ୍କୁରାରୋପଣ ସମ୍ପନ୍ନ ହୋଇଥିଲା। ଶନିବାର ପୌଷ ଶୁକ୍ଳ ତୃତୀୟା ତିଥିରେ ଅଙ୍କୁରପୂଜନ ଓ ପ୍ରଥମ ମଣ୍ଡଳକଟା ଶେଷ ହୋଇଛି। ଏଥିସହ ଲୋକାର୍ପିତ ହେବାକୁ ଥିବା ଫଳକର ମାପଚୁପ କରାଯାଇଛି ।
ଅନ୍ୟପଟେ ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ କୁମାର ଦାସ କହିଛନ୍ତି, ପରିକ୍ରମା ପ୍ରକଳ୍ପ ଲୋକାର୍ପଣ ପାଇଁ ସମସ୍ତ ପ୍ରକାର ପ୍ରସ୍ତୁତି ସରିଛି।ଲୋକାର୍ପଣ ଅବସରରେ ଅର୍ଥାତ୍ ଆସନ୍ତା ୧୫, ୧୬ ଓ ୧୭ ତାରିଖରେ ଭକ୍ତଙ୍କ ଦର୍ଶନ ପାଇଁ କୌଣସି କଟକଣା ରହିବ ନାହିଁ। ୧୭ ତାରିଖ ଅପରାହ୍ନ ପର୍ୟ୍ୟନ୍ତ ପରିକ୍ରମା ପ୍ରକଳ୍ପ ପ୍ରତିଷ୍ଠା ସ୍ଥାନ ଓ ଯଜ୍ଞମଣ୍ଡପ ନିକଟକୁ ଭକ୍ତମାନଙ୍କୁ ଛଡାଯିବ ନାହିଁ ବୋଲି କହିଛନ୍ତି।
Powered by Froala Editor
