ଏସ୍ଆଇଆର୍ରେ ଜୟଶଙ୍କର ଓ ପୂର୍ବତନ ସେନାମୁଖ୍ୟଙ୍କୁ ନୋଟିସ୍
ଦିଲ୍ଲୀରେ ଚାଲିଥିବା ଭୋଟର ତାଲିକା ସ୍ବତନ୍ତ୍ର ସଘନ ସଂଶୋଧନ (SIR) ପ୍ରକ୍ରିୟାକୁ ନେଇ ଅନେକ ହାଇପ୍ରୋଫାଇଲ୍ ଭୋଟରଙ୍କୁ ନିର୍ବାଚନ କମିଶନଙ୍କ ପକ୍ଷରୁ ନୋଟିସ୍ ଜାରି କରାଯାଇଛି । ଏହି ତାଲିକାରେ ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ଓ ତାଙ୍କ ପତ୍ନୀ କ୍ୟୋକୋ ଏସ୍. ଜୟଶଙ୍କରଙ୍କ ନାଁ ରହିଛି । ସେହିପରି CBI ନିର୍ଦ୍ଦେଶକ ପ୍ରବୀଣ ସୁଦ, ତାଙ୍କ ପତ୍ନୀ ଭନିତା ସୁଦ ଓ ମା’ କମଲେଶ ସୁଦ,ପୂର୍ବତନ ଉପପ୍ରଧାନମନ୍ତ୍ରୀ ଲାଲ୍କୃଷ୍ଣ ଆଡଭାନି, ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ମଧ୍ୟ ନୋଟିସ୍ ମିଳିଛି।
ଏହି ନୋଟିସ୍ଗୁଡ଼ିକ ଭୋଟର ତଥ୍ୟକୁ ପୂର୍ବ ରିଭିଜନ୍ ରେକର୍ଡ ସହ ଯୋଡ଼ି ନପାରିବା ବା ଅନ୍ୟାନ୍ୟ ତଥ୍ୟଗତ ଅସଙ୍ଗତି ସହ ଜଡ଼ିତ। ଜୟଶଙ୍କର ଓ ତାଙ୍କ ପତ୍ନୀ କ୍ୟୋକୋ ଜୟଶଙ୍କରଙ୍କୁ 'ଅନ୍ମ୍ୟାପ୍ଡ୍ ୱିଥ୍ ଲାଷ୍ଟ ଏସ୍ଆଇଆର୍' ଶ୍ରେଣୀରେ ନୋଟିସ୍ ମିଳିଛି। ସେହିପରି ପୂର୍ବତନ ସେନାମୁଖ୍ୟ ଜେନେରାଲ୍ ଉପେନ୍ଦ୍ର ଦ୍ୱିବେଦୀ ଓ ତାଙ୍କ ପତ୍ନୀ ସୁନୀତା ଦ୍ୱିବେଦୀଙ୍କ ରେକର୍ଡ ମଧ୍ୟ ପୂର୍ବତନ ଏସ୍ଆଇଆର୍ ତାଲିକା ସହ ମ୍ୟାପ୍ ହୋଇନଥିବା ଦର୍ଶାଯାଇଛି। ପୂର୍ବତନ ସୁପ୍ରିମକୋର୍ଟ ବିଚାରପତି ରଞ୍ଜନା ଦେସାଇ ଓ ତାଙ୍କ ପରିବାରର କିଛି ସଦସ୍ୟଙ୍କୁ ମଧ୍ୟ ନୋଟିସ୍ ଦିଆଯାଇଥିବା ରିପୋର୍ଟରେ କୁହାଯାଇଛି।
ନିର୍ବାଚନ କମିଶନଙ୍କ ଯାଞ୍ଚରେ ଏହି ଭୋଟରମାନଙ୍କ ବର୍ତ୍ତମାନର ରେକର୍ଡକୁ ପୂର୍ବ SIR ସମୟରେ ପ୍ରସ୍ତୁତ ହୋଇଥିବା ଭୋଟର ତାଲିକା ସହିତ ମ୍ୟାପ୍ କରାଯାଇପାରିନଥିବା କୁହାଯାଇଛି ।
Powered by Froala Editor
