ଅର୍ପଣ କାର୍ୟ୍ୟକ୍ରମକୁ ନେଇ ଏଭଳି କହିଲେ ଧର୍ମେନ୍ଦ୍ର
କଟକ: ପରିକ୍ରମା ପ୍ରକଳ୍ପ ପାଇଁ ଅର୍ପଣ କାର୍ୟ୍ୟକ୍ରମକୁ ନେଇ ନହେଉ ରାଜନୀତି । ଯିଏ ପ୍ରଭୁ ରାମ ସିଏ ହିଁ ଜଗନ୍ନାଥ । ତେଣୁ କୌଣସି ଧାର୍ମିକ କାର୍ୟ୍ୟକ୍ରମକୁ ନେଇ ରାଜନୀତି କରିବା ଉଚିତ୍ ନୁହେଁ ବୋଲି କହିଛନ୍ତି, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଅଯୋଧ୍ୟାର ଶ୍ରୀରାମ ମନ୍ଦିର ପାଇଁ ଅକ୍ଷତ ଓ ନିମନ୍ତ୍ରଣ ବଣ୍ଟନ କାର୍ୟ୍ୟକ୍ରମ ଚାଲିଥିବା ବେଳେ ପରିକ୍ରମା ପ୍ରକଳ୍ପ ପାଇଁ ଅର୍ପଣ ରଥ ବୁଲୁଛି । ଗାଁ ଗାଁରୁ ଗୁଆ ଅରୁଆ ଚାଉଳ ସଂଗ୍ରହ କରାଯାଉଛି । ଏହି ଅର୍ପଣ କାର୍ୟ୍ୟକ୍ରମକୁ ନେଇ ରାଜ୍ୟରେ ରାଜନୀତି ଜୋର ଧରିଛି । ଆଉ ଏତିକି ବେଳେ କେନ୍ଦ୍ରମନ୍ତ୍ରୀଙ୍କ ଏଭଳି ପ୍ରତିକ୍ରିୟା ଦେଇଛନ୍ତି । କଟକ ପାଟରାସାହିରେ ଅଯୋଧ୍ୟା ଯିବା ପାଇଁ ଅକ୍ଷତ ଓ ନିମନ୍ତ୍ରଣ ପତ୍ର ବଂଟନ କାର୍ୟ୍ୟକ୍ରମରେ ଯୋଗ ଦେବା ଅବସରରେ ଧର୍ମେନ୍ଦ୍ର ପ୍ରଧାନ କହିଛନ୍ତି, ଯିଏ ରାମ ସିଏ ବି ପ୍ରଭୁ ଜଗନ୍ନାଥ, ତେଣୁ ଶ୍ରୀ ମନ୍ଦିର ପରିକ୍ରମା ପ୍ରକଳ୍ପ ପାଇଁ ହେଉଥିବା ଅର୍ପଣ କାର୍ୟ୍ୟକ୍ରମକୁ ନେଇ ରାଜନୀତି କରିବା ଅନୁଚିତ୍ ।
Powered by Froala Editor
