ଭୁବନେଶ୍ୱର : ଗଣମାଧ୍ୟମରେ ଆଜି ପ୍ରକାଶିତ ଏକ ଖବର ସମସ୍ତଙ୍କୁ ନିଶ୍ଚିତ ଚକିତ କରିଦେବ  । ରାୟଗଡ଼ା ଜିଲ୍ଲା କୋଲନରା ବ୍ଲକ୍ କୈଳାସପୁର ପଞ୍ଚାୟତର ଚମ୍ପାକଣା ଗ୍ରାମରେ ଟିକାକରଣ ପାଇଁ ଗାଁ ଲୋକଙ୍କୁ ସଚେତନ କରାଯାଇଥିଲା । କୋଭିଡରୁ ବର୍ତ୍ତିବା ଲାଗି ଟିକାକରଣ ଏକମାତ୍ର ବିକଳ୍ପ ହୋଇଥିବାରୁ ଟିକା ନେବାକୁ ସହମତି ପ୍ରଦାନ କରିଥିଲେ ଗ୍ରାମବାସୀ । ହେଲେ ବୁଧବାର ଦିନ ସ୍ୱାସ୍ଥ୍ୟ ବିଭାଗ ଟିମ ପହଞ୍ଚିବା ପୂର୍ବରୁ ତାଟି କବାଟ ପକାଇ ଗାଁ ଲୋକେ ଅନ୍ୟତ୍ର ପଳାଇଛନ୍ତି । ପୂରା ଗାଁ ଜନଶୂନ୍ୟ ଥିବାରୁ ସ୍ୱାସ୍ଥ୍ୟ ବିଭାଗ ଟିମ୍ ଘଣ୍ଟା ଘଣ୍ଟା ଧରି ଅପେକ୍ଷା କରିବା ପରେ ଶେଷରେ ନିରାଶ ହୋଇ ଫେରିଆସିଛନ୍ତି । ରାୟଗଡ଼ା ଜିଲ୍ଲା କୋଲନରା ବ୍ଲକ୍ କୈଳାସପୁର ପଞ୍ଚାୟତର ଚମ୍ପାକଣା ଗ୍ରାମରେ ଟିକାକରଣ ପାଇଁ ଯାଇଥିବା ସ୍ୱାସ୍ଥ୍ୟ ବିଭାଗ ଟିମକୁ ଏପରି ଅସୁବିଧାର ସମ୍ମୁଖୀନ ହେବାକୁ ପଡ଼ିଛି । ୫୦୦ରୁ ଊର୍ଦ୍ଧ୍ୱ ଜନସଂଖ୍ୟା ବିଶିଷ୍ଟ ଏହି ଗାଁରେ ଗତ ୭ ତାରିଖ (ସୋମବାର) କୋଲନରା ଚିକିତ୍ସା ଅଧିକାରୀ ଡା. ଜି. ଶୈଳଜା, ଜନସ୍ୱାସ୍ଥ୍ୟ ଅଧିକାରୀ ଶୁଭଶ୍ରୀ ଦାଶ, ବ୍ଲକ୍ ପ୍ରୋଗାମ ଅଫିସର୍ କଳ୍ପନା ମିଶ୍ର ମୁକୁନ୍ଦପୁର ପଞ୍ଚାୟତ ଅଫିସରେ ପହଞ୍ଚି ବୈଠକ କରିଥିଲେ । ବୈଠକରେ କୈଳାସପୁର, ରେଖାପଦର, ମୁକୁନ୍ଦପୁର ଗ୍ରାମବାସୀ ଯୋଗ ଦେଇଥିଲେ ।

Powered by Froala Editor