ଡିଜିଟାଲ୍ କାରବାର ଉପରେ ଶୁଳ୍କ ଲାଗୁ କରାଯିବାକୁ ନେଇ ସରକାର UPI ଉପରେ ମର୍ଚ୍ଚାଣ୍ଟ ଡିସକାଉଣ୍ଟ ରେଟ୍ (MDR) ସମ୍ପର୍କରେ ନୂତନ ନିଷ୍ପତ୍ତି ନେଇଛନ୍ତି। ସରକାରଙ୍କ ଅନୁଯାୟୀ, ବ୍ୟବସାୟୀ ମାନଙ୍କୁ ୨ହଜାରରୁ ଅଧିକ UPI ପେମେଣ୍ଟ ଉପରେ ୦.୪ ପ୍ରତିଶତ ଶୁଳ୍କ ଦେବାକୁ ପଡିବ।  ସୋମବାର ଦିନ, ସରକାର ସ୍ପଷ୍ଟ କରିଛନ୍ତି ଯେ, ବ୍ୟାଙ୍କ ଏବଂ ପେମେଣ୍ଟ ସେବା ପ୍ରଦାନକାରୀ ମାନେ ୨ହଜାର ଟଙ୍କା ପର୍ଯ୍ୟନ୍ତ UPI କାରବାର ଉପରେ କୌଣସି ପ୍ରତ୍ୟକ୍ଷ କିମ୍ବା ପରୋକ୍ଷ ଶୁଳ୍କ ଲଗାଇପାରିବେ ନାହିଁ।

୧୫ ଅକ୍ଟୋବର, ୨୦୨୬ ରୁ ଚୟନିତ ବ୍ୟବସାୟୀ (P2M) କାରବାର ପାଇଁ ଏକ ନୂତନ UPI ବାଣିଜ୍ୟ ରିହାତି ହାର (MDR) ଢାଞ୍ଚା କାର୍ଯ୍ୟକାରୀ ହେବ। ଏହା ସହିତ, ଗ୍ରାହକ ମାନଙ୍କ ପାଇଁ ୨ ହଜାର ପର୍ଯ୍ୟନ୍ତ ସମସ୍ତ କାରବାର ପାଇଁ UPI ସମ୍ପୂର୍ଣ୍ଣ ମାଗଣା ହେବ। ନୂତନ ନିୟମ ଅନୁଯାୟୀ, QR କୋଡ୍ ମାଧ୍ୟମରେ ମାସିକ ୧ ଲକ୍ଷ ପର୍ଯ୍ୟନ୍ତ ରୋଜଗାର କରୁଥିବା ଛୋଟ ବ୍ୟବସାୟୀ ମାନଙ୍କୁ କୌଣସି MDR ଦେବାକୁ ପଡ଼ିବ ନାହିଁ।

ଏହି ଶୁଳ୍କକୁ ମର୍ଚ୍ଚାଣ୍ଟ ଡିସକାଉଣ୍ଟ ରେଟ୍ (MDR) କୁହାଯାଏ। ଏହି ଶୁଳ୍କ ୦.୪% ହେବ, କିନ୍ତୁ ପ୍ରତି କାରବାର ପାଇଁ ସର୍ବାଧିକ ସୀମା ୩ଶହ ଟଙ୍କା ସ୍ଥିର କରାଯାଇଛି। ଏହାର ଅର୍ଥ ହେଉଛି ଯଦି ଜଣେ ଗ୍ରାହକ ଜଣେ ବ୍ୟବସାୟୀଙ୍କୁ ୭୫ ହଜାର ଟଙ୍କା କିମ୍ବା ତା'ଠାରୁ ଅଧିକ UPI ପେମେଣ୍ଟ କରନ୍ତି, ତେବେ ଶୁଳ୍କ ୦.୪% ରେ ୩ଶହ ଟଙ୍କା ଅତିକ୍ରମ କରିପାରେ, କିନ୍ତୁ ବ୍ୟବସାୟୀଙ୍କ ଠାରୁ କେବଳ ୩ଶହ ଟଙ୍କା ସର୍ବାଧିକ MDR ଆଦାୟ କରାଯିବ।

Powered by Froala Editor